أجمل محل فراريج بلبنان ويمكن بالعالم؟ شوفوا هالمطعم!

رح نعرفكن على محل الفراريج الأجمل بلبنان – ويمكن بالعالم! بس تشوفوا قدي هالمكان حلو، ما رح تتخايوا إنو هو بس مطعم فراريج.

Sawma Chicken محل جديد للفراريج المشوية على الفحم بقلب سن الفيل، وكتير حلو. كل شي من الألوان للديكور الخرافي رح يسحركن، جايب روح جديدة على عالم الأكل المحلي بيمزج بين أسلوب الـ Art Nouveau الحيوي بلمسة عصرية.

هالمحل يلي بيميزو مش بس ديكورو، القعدة كمان بتاخد العقل. الفراريج المشوية على الفحم هون غير شكل، وبتحسوا إنو كل قطعة دجاج محضرة بحب واهتمام. أول ما تشوفوا الأسعار، رح تنصدموا قد ما هني مقبولين مقارنة بجمال المحل والقعدة الفخمة والروعة.

هيدا المشروع الرائع جايي من فكرة المصمم العبقري Lu cs، اللي كمان كان ورا تصميم فروع NIU بلبنان. قدر يعمل من مطعم فراريج تجربة فنية، مش بس أكل. كل تفصيل بالمحل معمول بدقة، من الشوية على الفحم لحتى طريقة التقديم.

نحنا كتير محمسين نجرب هالمطرح الجديد بسن الفيل. إذا جربتوا، عطونا رأيكن بالكومنتات!

شوفوا كمان، مطعم بيتوتي وقعدة تحت العريشة بقلب بشري.