بالفيديو: ترامب على شط جونية… والمفاجأة مهضومة!

انتشر فيديو جديد على السوشيال ميديا، من مطعم Palms Beach House بجونية، اللي قرر يعطي زوارو تجربة غريبة! الفيديو عم يفرجي شخطورة قربت عالشط، وبيطلع منها شخص متنكر بشكل الرئيس الأمريكي ترامب، لابس بدلة رسمية ومركب قناع ضخم لوجهه، وكأنو “ترامب” شخصياً إجا بالبحر لعنا على لبنان!

وهون المفاجأة الكبيرة كانت لما بلش “ترامب” المزيف يرقص على غنيتو الشهيرة “YMCA” قدام الكل. الناس ما صدقوا شو عم بشوفوا وضلوا يضحكوا، وأخدوا صور وسيلفي معو عالسريع، وخلقوا جو فرح غريب بقلب المطعم. حتى اللي كانوا بعاد قربوا ليعيشوا اللحظة ويمزحوا مع “ترامب المزيف” بأجواء مليانة ضحك ومرح.

الحركة عملت بلبلة بالمطعم وأثارت ردود فعل مختلفة. في ناس شافوا فيها لمسة مرح بهيك وقت، بس كمان في بعض الزوار اعتبروها حركة سخيفة بهيك وضع.

المشهد كان عنجد غريب ومضحك بنفس الوقت. بتشوفوا قديش اللبنانيين، لو قد ما كانت الظروف صعبة، قادرين يلاقوا طرق غير تقليدية ويبدعوا بأفكار بتخلي الناس تضحك وتنبسط!

عجبكن هالموضوع عن ترامب؟ شوفوا كمان، أهضم نكت تويتر عن الإنتخابات الرئاسية الأميركية