الملياردير إيلون ماسك مهتم بلبنان…واتصال مهم مع الرئيس عون!

تلقى الرئيس عون اتصال مهم من الملياردير إيلون ماسك، الرئيس التنفيذي لمجموعة شركات “Tesla”، “Space X” ومنصة “X”. ماسك عبّر عن اهتمامه الكبير بلبنان، خصوصاً بقطاع الاتصالات والإنترنت اللي عم بيتطوّر عنا.

خلال الاتصال، عبّر ماسك عن رغبته الكبيرة إنه يكون لشركاته حضور قوي بلبنان، خصوصاً إنه شايف فرص واعدة هون. الرئيس عون رحّب بالفكرة، ووعد إنه الدولة رح تساهم وتقدم كل التسهيلات الممكنة ضمن الإطار القانوني والتنظيمي اللبناني. هالمبادرة إجت بعد ما قربت خدمة الإنترنت الفضائي التابعة لماسك Starlink إنو تشتغل بلبنان.

الرئيس عون وجه دعوة رسمية لإيلون ماسك ليزور لبنان، ويشوف بنفسه الإمكانيات. ماسك شكر الرئيس عون على هالدعوة، ووعد إنه رح يحاول يزور بيروت بأقرب فرصة مناسبة.

هالخطوة تعتبر مهمة، خاصةً بوقت لبنان بحاجة لدعم استثماري وتقني كبير، ووجود أسماء عالمية متل ماسك بلبنان ممكن يفتح آفاق جديدة لقطاع الاتصالات والتكنولوجيا. بظل التحديات الاقتصادية اللي عم بتواجه لبنان، هي المبادرات بتعطي أمل حقيقي بتحسين الأوضاع وبتطوير البنية التحتية الرقمية، وبتشجع شبابنا على الابتكار والعمل.

وإنتو شو رأيكن؟ هل إتصال إيلون ماسك بالرئيس عون بيدلّ ع تطورات فعلية؟

شوفوا كمان، إنترنت ستارلينك على الأبواب بلبنان.. وهيدي كلفة الاشتراك المتوقعة!