أول كافيه للبنات وبس بلبنان، تعرفوا هون

للبنات وبس! إذا كنتي عم تدوّري ع مساحة راحة بعيد عن العجقة، كافيه حواء بطرابلس رح يكون مقصدكن الجديد! أوّل كافيه للسيدات فقط بلبنان، حواء مش بس محل بتشربي فيه قهوة … هو مساحة لكل بنت بدها تقعد مع حالها، أو تشتغل، أو تلتقي برفقاتها، أو حتى تكتشف شغف جديد.

المكان مصمّم بطريقة عصرية ناعمة، بألوان ترابية بتهدي الأعصاب من أول ما تفوتي.

وفيه كل شي ممكن تتخيّليه: مكتبة صغيرة تقري فيها، مساحة للدراسة أو الشغل، ألعاب طاولة إذا طالع عبالك تكسري الروتين، وكتير نشاطات ناطرتك متل ورشات فنّ، نقاشات كتب، ليالي أفلام، وحتى ورشات قهوة بتعلّمي فيها كيف تحضّري قهوتك على زوقك.حتى عندن زاوية للتسوق فيها إكسسوارات وجزادين ومنتجات للعناية وقصص مهضومة!

أما القهوة…ريحتها بتحكي! من الإسبريسو للكابتشينو أو اللاتيه، كلّها محضّرة بعناية. والحلو؟ بتروحي بتشربي قهوتك اللي بتحبيها من أحلى كافيه بطرابلس، وبتنقي الكباية اللي بتعجبك!

فيكي تختاري من تشكيلة حلويات طيبة كتير متل كوكيز وتشيز كيك، أو أطباق خفيفة صحّية.

سواء جايي تدرسي، ترتاحي، تكتبي، أو حتى تجرّبي شي جديد، حواء ناطرتكن تخلقي لحظاتك فيها.

📍 العنوان

قريب من ملعب البخاري، جنب صيدلية الحكمة، طرابلس.اكبسوا هون لتعرفوا الموقع بالزبط. 

⏰ الدوام

يومياً ما عدا الأحد، من الساعة 9:30 الصبح للـ8 بالليل.

📞 تواصل

الرقم: 075 358 81

تابعيهن عالإنستغرام هون لتعرفي كل جديد والنشاطات الأسبوعية.

شوفوا كمان، أفضل 13 مسبح للسيدات بكل لبنان (مع أسعار الدخولية!)