بعد النجاح الكبير، حفلة سبيستون راجعة ع بيروت هالشهر!

شباب المستقبل… حضّروا حالكن، لأنو حفلة سبيستون راجعة ع بيروت! بعد النجاح الكبير للعرض الأول، مترو المدينة قرر يكرّر التجربة ويعمل عرض جديد بعنوان “سبيستون وأخواتها ٢”.

إذا فوّتوا أول حفلة أو حابين تعيشوا التجربة من أول وجديد، سجّلوا التاريخ: 31 آب 2025، مترو المدينة بالحمرا رح يتحوّل لعالم سبيستون، بس هالمرة مع أفكار جديدة، عرض جديد، وأغاني جديدة رح تولّع المسرح وتغرقنا بالنوستالجيا.

الأبواب بتفتح الساعة 8 المسا، والحفل بيبلّش 8:30 مع فرقة جملي Jmli يلي رح يفتتحوا الليلة بطاقة عالية ويحطّونا بالمود، قبل ما نغوص بألحان الطفولة مع فرقة Out of Tune بأسلوبهن الموسيقي الخاص.

هالليلة رح تجمعنا، لأنو كلنا غنّينا نفس الأغاني وعشنا نفس اللحظات. ومش لازم تكون من جيل سبيستون لتنبسط… المهم يكون بعدك حافظ جوّاتك الطفل اللي بيحب يفرح، وجاهز ترجع لبراءة أيّام الطفولة.

التذاكر موجودة بالرابط هون. وما تنسوا تشاركوا هالحفل مع أصحابكن!

حبيتوا هالمقال؟ شوفوا كمان:

أضخم 40+ حفلة حول لبنان خلال آب 2025

آب 2025 رح يكون استثنائي! كبار النجوم، عروض عالمية، وسهرات رح تضوي ليالي لبنان…