فيروز بألبوم Drake الجديد…مغني الراب العالمي عامل ضجة!

مغني الراب الكندي دريك (Drake) عامل ضجة بعد ما سرّب مقتطفات من ألبومه التاسع Iceman، واللافت إنو وحدة من الأغاني بتستعمل مقطع من غنية “وحْدُن” للسيدة فيروز.

بحسب Mille World، الفنان Drake طلع لايف وسمّع الجمهور مقاطع من الألبوم. من بينها أغنية دمجت الصوت الأيقوني لفيروز مع أسلوبه الخاص.

الخطوة مش غريبة لما نعرف إنو واحد من مؤسسي شركة تسجيلاته OVO Sound هو المنتج نوح “40” شبيب، لبناني-كندي ومن أقرب الأشخاص لدريك.

عن “وحْدُن” لفيروز

الأغنية اللي كتبها طلال حيدر ولحّنها زياد رحباني بتحكي عن الغياب والخسارة. القصة وراها إنو حيدر كان يشوف 3 شباب يفوتوا ع الغابة كل يوم ويرجعوا المسا، وبيوم من الأيام ما رجعوا. بعدين اكتشف إنن كانوا مقاتلين بالمقاومة واستشهدوا بعملية ضد قوات العدو.

الأغنية صارت رمز للتضحية والذكرى، واستعمال جزء منها (سامبل) بعمل تجاري غربي متل دريك بيخلق تساؤل حول الطريقة اللي رح يتم توظيفها فيها.

وكتار الفنانين اللي استعملوا أغاني فيروز!

السنة الماضية، ماكليمور استعمل سامبل من “أنا لحبيبي” لفيروز بأغنيته Hind’s Hall، واللي كتبها كتحية لفلسطين. الأغنية مستوحاة من قصة هند رجب، الطفلة الغزّاوية اللي قتلت مع عيلتها على إيد جيش العدو، واللي قصتها هزّت العالم وخلّت طلاب جامعة كولومبيا يسمّوا قاعة هاميلتون باسمها.

استخدام ماكليمور كان مدروس وهادف. بالنسبة لدريك؟ بعد ما في وضوح كيف رح يقدّم الأغنية

شو رأيكن بهالغنية؟

حبيتوا هالمقال؟ شوفوا كمان بالإنكليزي:

Macklemore Samples Fairuz In New Song About Gaza

In this song, he samples the famous melody and instrumental from Fairuz’s track “Ana La Habibi” to convey his message about Gaza.