مهرجان طرابلس: حفلات، أجواء، أكل لتودعوا الصيف!

طرابلس ناطرتكن لتختموا الصيفية بأحلى طريقة! من 2 لـ5 تشرين الأول، معرض رشيد كرامي الدولي رح يضوي بالحياة والفرح بمهرجان نزال سلّم ع طرابلس، الحدث يلي بيجمع التراث، الفن، الفرح، والطاقة الحلوة كلها بمطرح واحد.

من أوّل ما تفوتوا ع المعرض، رح تستقبلكن ريحة الكعك الطرابلسي، بسمة الناس، ونكهة الصيف يلي بعدها معلّقة بالأجواء. نزال سلّم ع طرابلس أكتر من مهرجان، هو تجربة بتعيّشكن طرابلس متل ما منحبّها: مدينة فيها أصالة، ضيافة، وأجواء بتنغرموا فيها.

المفاجآت كتيرة، والبرنامج غنيّ:

بـ2 تشرين الأول، بتضحكوا من القلب علي اتحاد، أجواء كوميدية ما بتتفوّت!

بـ3 تشرين الأول، ليلة فنية لبنانية أصيلة مع جورج نعمة، رح يقدملنا سهرة مميزة.

بـ4 تشرين الأول، ليلة طرابلسية طربية غير شكل مع شانتال بيطار، يلي رح تغنّي وتخلّي السهرة ما بتنتسى.

غير العروض، رح تلاقوا معارض محلية، أكل طيب، وجوّ طرابلسي أصيل بيذكّركن أديه هالمدينة غنية بالحبّ والتراث والفن.

🎟️ الدخولية ع المعرض بس 5$، والتذاكر للحفلات متوفرة هون. 

نزال سلّم ع طرابلس مش بس مهرجان، هو دعوة لنرجع نقرّب من بعض، نغنّي، نضحك، ونعيش طرابلس بعيون جديدة. لأنو المدينة الحلوة هيدي، بتستاهل نفرجيها حبّنا كل مرّة!

📍 معرض رشيد كرامي الدولي، طرابلس

📅 من 2 لـ5 تشرين الأوّل

☎️ للاستفسار أو حجز ستاند: 495 211 71

ما تتأخروا، ناطرينكن لنسلّم سوا ع طرابلس ❤️

حبيتوا هالمقال؟ شوفوا كمان:

أكبر مهرجان تخفيضات بلبنان قريباً… خصومات لحد 80%!

الشهر الجاي، بيروت رح تصير وجهتكن الأولى للتسوق!