وصيفة ملكة جمال لبنان رح تدخل عالم التمثيل مع ماغي بو غصن، مين هي؟

مايا أبو الحسن، وصيفة ملكة جمال لبنان لسنة 2022 والإعلاميّة المعروفة، قرّرت تاخد خطوة جديدة ومختلفة. بعد ما تعوّدنا نشوفها كمقدّمة برامج على شاشة الـLBCI، اليوم مايا قرّرت تغيّر الاتجاه وتخوض تجربة جديدة قدّام الكاميرا، ضمن مسلسل “بالحرام” للنجمة ماغي بو غصن، يلي عم يتحضّر لموسم رمضان 2026.

الصحفي إيلي مرعب حكي عن دخول وصيفة ملكة جمال لبنان السابقة مايا أبو الحسن عالم التمثيل. 

الكل ناطر يشوف كيف رح تكون تجربتها الأولى ووين ممكن توصل بهيدا المجال، خاصةً إنو حضورها الإعلامي وأناقتها وشخصيتها المحبوبة عطوها قاعدة جماهيرية.

مسلسل “بالحرام” هو أحدث إنتاجات شركة إيغل فيلمز الضخمة  لموسم رمضان 2026، من إخراج فيليب أسمر وتأليف فادي حسين وشادي كيوان. ع الأغلب القصة رح تكون اجتماعية وإنسانية، بتحكي عن قضايا واقعية ضمن إطار درامي مشوّق.

النجمة ماغي بو غصن أعلنت عن العمل عبر إنستغرام، وكشفت بس عن اسم شخصيتها “جود” من دون تفاصيل إضافية، تاركة الجمهور بحالة فضول كبيرة. ماغي معروفة بدقّتها باختيار أدوارها، وبتوعد هالمرة بدور مختلف ومليان مفاجآت.

العمل رح يجمع نخبة من النجوم اللبنانيين والعرب، وبيكمل خط التعاون العربي المشترك اللي بتميّز فيه “إيغل فيلمز”. ومع كل هالأسماء الكبيرة، واضح إنو “بالحرام” مرشّح يكون من أهم مسلسلات رمضان الجاي.

شوفوا كمان:

الوصيفة الأولى سارة بو جودة تمثّل لبنان بملكة جمال الكون 2025