كل قطعة قصة… ماركة مجوهرات لبنانية بتصاميم فريدة!

إذا بتحبوا المجوهرات اللي إلها طابع خاص وفريد، لازم تتعرفوا على “معدني Maadani”. هي ماركة محلية للفنانة اللبنانية لارا نويهض، وكل قطعة عندها مشغولة ع الإيد لتعطي تصميم مميز إلو قصة. 

المجوهرات متوفرة بالفضة أو الذهب المطلي، وكل قطعة من المعادن منحوتة ومدقوقة بعناية، متل قطعة فنية صغيرة بتقدروا تلبسوها. التصاميم مستوحاة من الطبيعة والحياة وكل التفاصيل اليومية يلي بتفرحنا.

أحلى القطع يلي حبيناها:

1. حلق بتصميم الوردة من Maadani

من الفضة أو الذهب، مثالية للوك رومانسي وناعم! 

2. بروش الرمان الذهبي

مناسب كتير لموسم الجاكيتات.

أو عقد الرمان الفضي  يلي مستوحى من شكل هالفاكهة. 

3. حلق على شكل فنجان القهوة اللبناني

تحية صغيرة لعاداتنا اليومية مع القهوة.

4. عقد الخرزة الزرقا ع شكل عين القطة

تصميم مبتكر لرمز العين يلي بتحمي من الحسد والضرر. كمان محبي القطط رح يلاقوا تصاميم كتير حلوة!

عم تفتشوا ع هدايا كريسماس؟ وين فيكن تتسوقوا مجوهرات Maadani هالعيد:

سوق Marche Aux Puce: من 4 لـ7 كانون الأول، من 12:00 الضهر لـ10:00 المسا، Union Marks – برج حمود.

مهرجان Bossa Nova Christmas Fair: من 19 لـ22 كانون الأول، من 11:00 لـ8:00 المسا، Bossa Nova Beirut أوتيل – سن الفيل.

سوق الميلاد مع Jarak : ب 20 و21 كانون الأول، من 12:00 لـ8:00 المسا، Zur Studios and Suites – مونو.

كل قطعة من Maadani لمسة فنية صغيرة، بتحكي عن ذوقكن الخاص وبتخلي إطلالتكن مليانة حياة وجمال. ومعها عم تدعموا مشاريع محلية ونساء مبدعات لبنانيات. للطلب، فيكن تحكوهن ع حسابن ع انستغرام هون، وما تنسوا المتابعة!