إنتقادات واسعة ع منتج الإنفلونسر نور عريضة الجديد!

صرلنا فترة مش شايفين ضجة هلقد ع منتج بلبنان… SORBÉ، براند العناية بالبشرة للإنفلونسر وصانعة المحتوى نور عريضة، نزلوا Clip للشعر معو gloss خاص. وأكيد، الناس كان عندها آراء و انتقادات ع الموضوع.

عن البراند

SORBÉ هو براند لبناني جديد للعناية بالبشرة، بيركز ع إنو تحصلوا ع جمال بطريقة سهلة ومتعددة الإستعمالات. بلّش بمنتجات للشفاف متل Butter غنيّة بالـ Ceramide وبمقشر ناعم فيه AHA، مصمّمين لتغذية وترطيب الشفاف بسرعة. آخر منتج للبراند بيجمع بين العناية بالشفاف مع أكسسوار للشعر للاستعمال اليومي السهل.

لكتار، طقم Clip مع Gloss كتير ذكرهن بمنتج بRhode lip case يلي عمل ضجة عالإنترنت. انتقدوا عريضة وقالوا إنو البراند ما عم يقدّم أفكار جديدة وعم يقلد ماركات عالمية.

في ناس شافوا إنّو الفكرة ذكية وإنّو الأكسسوار مهضوم وعملي، وبيقدروا يعلّقوه حتى عالشنطة. وباركوا لعريضة على الـ launch الجديد، ومدحوها لأنّها عملت شي حلو ومفيد بنفس الوقت.

وعريضة كانت عم تتفاعل مع كم تعليق مهضوم عن المنتج: 

وغيرن كانت إنتقاداتن لاذعة مع إنو ما بدها هلقد!

انتو شو رأيكن بمنتج نور عريضة الجديد؟ اتركولنا بالتعليقات! وفيكن تتسوقوا منتجها هون.