ليه اللبنانية بيكتبوا العربي بحروف لاتينية؟ من ورا سعيد عقل!

ليه لبنان هو البلد العربي الوحيد يلي منكتب العربي بالحروف اللاتينية بدل ما نستخدم الحروف العربية باقي البلدان؟ إيه، هيدي حالة من الفينيقية يلي كانت تهدف تمييز الهوية الثقافية اللبنانية عن العالم العربي. وكلنا لازم نشكر الشاعر والكاتب و الفيلسوف اللبناني سعيد عقل على هالشي.

مين هو سعيد عقل؟

سعيد عقل (1911–2014) كان من أكتر الشخصيات الأدبية تأثيرًا بلبنان. شاعر، كاتب مسرحي، فيلسوف، وأيقونة ثقافية معروف بذهنه الحاد وأفكاره الجريئة. قضى عقود عم يشكل المشهد الأدبي الحديث بلبنان، كتب شعر، مسرحيات وكلمات أغاني بعدو محتفى فيها لليوم.

بعض أشهر أعماله صارت أغاني عربية مشهورة، متل زهرة المدائن وردّني إلى بلادي، غنّتهن فيروز ولحنوهن الأخوان الرحباني.

القصة ورا “عربيزي”

عقل كان مناصر قوي للقومية اللبنانية، وفكرة إنو اللغة المحكية بلبنان تستحق تكون مختلفة عن العربي الفصحى. كان بدو يخلق صوت أدبي لبناني فريد يعكس الجذور الفينيقية للبلد. مع إنو اللهجات شي موجود بكل الدول يلي بيحكوا لغة واحدة!

^{الصورة مأخوذة من The New Arab.}

بدل ما يشوف العربي اللبناني كوحدة من اللهجات، عقل اعتبرها لغة مستقلة لازم يكون إلها أبجدية خاصة. وهون بلش حروف لاتينية كانت تسمّى “عربيزي”، أو لغة سعيد عقل.

رغم الجدل وقتها، الأبجدية اللاتينية صارت جزء من حياتنا اليومية. اليوم، اللبنانية قليل ما يكتبوا العربي الفصحى بالرسائل، و الجيل الجديد بيتفاجئ لما يعرفوا إنو معظم الدول العربية بعدها بتستخدم الحروف العربية.

مع إنه الكتابة بالعربي ما اختفت، بس صار في تغيير بكيفية تعامل كتير من اللبنانيين مع اللغة. الاستخدام المتكرر للحروف اللاتينية بيخلي الإملاء والقواعد بالعربي أصعب، والجيل الجديد غالباً بحس الكتابة بالعربي أقل سهولة.

كيف تم التطبيق؟

سعيد عقل ما طبّق أبجدية لبنانية لاتينية رسميًا. ما تبنّتها المدارس أو الحكومة. يلي خلّاها تنتشر هو مركزه كشخصية أدبية وثقافية بارزة. من خلال شعره، مقالاته، والدفاع عن فكرته، بيّن إنو اللبناني ممكن ينكتب بطريقة مختلفة ومرتبطة بالهوية الوطنية.

هو روّج هالشي بعدة طرق:

النشر: استعمل الأبجدية اللاتينية بكتاباته من قصائد ومقالات وأبحاث. بيّن إنو اللغة العربية اللبنانية ممكن تنكتب بطريقة مميزة.

الدفاع عن الثقافة: من خلال محاضرات، مناقشات وظهوره بالعلن، ربط الأبجدية بالهوية اللبنانية والفخر الوطني.

الظهور الإعلامي: أفكاره ظهرت بالصحف و الدوائر الأدبية، وألهمت كتّاب ومثقفين يجربوا الأبجدية الجديدة.

التأثير الاجتماعي: اللبنانيين بلشوا شوي شوي ياخدوا عادة الكتابة بالحروف اللاتينية، خصوصاً بمواضيع غير رسمية، وهيك تأسست أبجدية “الدردشة” يلي منستخدمها اليوم.

وهيك أفكارو تسربت ع الأوساط الفكرية والحياة اليومية. بإختصار، لغة سعيد عقل ما كانت سياسة أو قانون، بس فينا نقول كان أوّل مؤثر لبناني أو إنفلونسر بهالمجال.

الفينيقية اليوم

لكن هالشي ما معناته إنو خلصنا من خبرية الفينيقية. كل فترة في مبادرات بتطلع وبتقترح تعديلات على الأبجدية اللاتينية يلي منستخدمها ع تلفوناتنا.

صحيح الدراسات الجينية بتبيّن آثار للفينيقيين اليوم. بس هالشي ما بيخلي حدا فينيقي أكتر من كونه عربي. يعني فيك تكون عربي وعندك جذور فينيقية بنفس الوقت…

شو رأيك باللبنانيين انو هني العرب الوحيدين يلي بيكتبو العربي بحروف لاتينية؟

شوفوا كمان:

سافروا عند الفينيقيين…أول متحف تفاعلي عن الحضارة الفينيقية بجبيل