طالعين ع التلج؟ أحلى 20 بيت ضيافة بالتلج حول لبنان

موسم التلج والتزلّج بلبنان من أحلى أوقات السنة، واللبنانية والسيّاح بينطروه ليعيشوا سحر لبنان بالأبيض. ومع أوّل شتوة، كتار منّا بيصيروا يفتّشوا على بيت ضيافة ليقضوا ليلة دافية—مع الشريك، العيلة أو الأصحاب. عملنا برمة على أجمل المناطق التلجية، وجمعنالكن أحلى 20 بيت ضيافة بالتلج حول لبنان فيكن تقضوا فيهن ليلة ولا أروع بين الطبيعة، البياض، والكنكنة.

1. Caim، ميروبا

بيت ضيافة كأنو طالع من فيلم رومانسي، مخبّى بالغابة بميروبا، واحد من أجمل المطارح للعشّاق بلبنان. قعدة جنب الشاميني، فيلا بين الصخور، تراسات مفتوحة على الجبال، وبانيو بغرفة النوم لجو شتوي دافي ورومانسي. ومع أوّل تلجة؟ المنظر بيخطف الأنفاس.

الرقم: 494 649 81

2. Farmville، الباروك 

بيوت خشبية بقلب الطبيعة، مثالية للعيلة والولاد، مع أنشطة شتوية بتخلّي التجربة ممتعة للكل.

الرقم: 811 711 76

3. بيت كرز، إهدن

واحد من أجمل بيوت الضيافة التراثية بإهدن، بقلب الضيعة وبين شوارعها. ديكور لبناني أصيل وجو بعيّشكن دفى بيت الجبل، خصوصي لما تتغطّى إهدن بالتلج.

الرقم: 155 660 76

4. WoodHills، ميروبا

من أروع بيوت الضيافة بميروبا، خيار مثالي لقعدة رومانسية مع الشريك أول ما تتلج الدني.

الرقم: 786 177 76

5. Cedar Scent، نيحا البترون

قعدة مودرن وهادية مع تراس بين شجر الأرز. بالشتوية، المكان بينغمر بالبياض وبيصير لوحة طبيعية.

الرقم: 511 233 70

6. Dreamhouse Laqlouq، اللقلوق

مناظر خلّابة خصوصي وقت التلج…تخايلوا تفيقوا الصبح على هيك مشهد؟ حلم!

الرقم: 688 206 70

7. Uzit Cabin، إهدن

كوخ خشبي بعيد عن العجقة، مثالي للعشّاق يلي بدّن عزلة، رومانسيّة، وطبيعة.

الرقم: 564 214 81

8. The Cave Resort، القموعة

بيت خشبي مكنكن قاعد على حفة الجبل، بإطلالة خيالية على جبال القموعة، وتجربة شتوية ولا أروع.

الرقم: 103 411 70

9. Chill Hill Experience، وطى الجوز

بيوت ضيافة خشبية مع تجربة منتجع بالطبيعة، مناسبة لشهر العسل أو لويك أند مع الأصحاب.

الرقم: 458 775 76

10. The Dome، كفردبيان

بيت قبة مخبّى بقلب الغابة، بإطلالة مفتوحة على التلج، وخصوصية تامة.

الرقم: 330 331 70

11. Perch، فاريا

بيوت خشبية بين الجبال والتلج، قعدة طبيعة مع بحيرة جليدية ومناظر هادية.

الرقم: 266 552 03

12. Skynine، اللقلوق

كوخ خشبي بين تلجات اللقلوق، مثالي للجمعة الحلوة والسهرات الدافية مع الأصحاب.

الرقم: 999 126 76

13. The North Pod، مزرعة التفاح

بيت قبة مهضوم ومخبّى بالغابة، وبعزّ الشتوية بيكون مغطّى بالتلج من كل الجهات.

الرقم: 001 506 81

14. بيت السنونو، كفردبيان

كوخ خشبي صغير ولطيف، خيار رايق لنهار رايق بين التلج.

الرقم: 866 400 71

15. Dacha Chalet، الباروك 

بيت جبلي من الحجر القديم، قعدة شاميني دافية، كاس نبيذ وسفرة شهية، وتجربة رومانسية شتوية متكاملة.

الرقم: 612 796 71

16. La Maison des Cedres، الأرز

بيت خشبي محاط بشجر الأرز والتلجات. مثالي لنهار من الإكتشاف والإستمتاع بالتلوج ببشري.

الرقم: 414 888 71

17. Le Massif de Laqlouq

بيوت خشبية دافية، ليالي رومانسية بين التلج، كاس نبيد وجبنة راكليت…شو بدكن أكتر؟

الرقم: 763 476 70

18. Moonlodge، طريق زعرور- صنين

بيوت ضيافة بإطلالة مباشرة على جبل صنين المكلّل بالتلج، مع قعدة مكنكنة وجو جبلي هادي.

الرقم: 222 777 81

19. أزوردي، اللقلوق

بيوت خشبية مكنكنة، قعدة جنب الصوبا، بواحد من أروع المناطق التلجية بلبنان.

الرقم: 868 888 76

20. Trinity 5، فاريا

مجموعة شاليهات خشبية، قاعدين على حافة الجبل وبين البياض. المكان مثالي لويك أند شتوي دافي مع فيو مفتوحة على التلج.

الرقم: 221 210 71

أي بيت ضيافة بالتلج حول لبنان رح تختاروا هالشتوية؟