أكبر مهرجانات التسوق والتخفيضات ناطرتكن ببيروت وطرابلس!

شهر شباط الجاية رح يكون شهر التسوّق بامتياز بلبنان، ومع كذا مهرجان كبار عم ينطلقوا ببيروت وطرابلس، وما في عذر ما تحضّروا ليستة غراضكن من هلّق! إذا بتحبّوا التخفيضات، الأجواء الحلوة وتجارب التسوّق المتنوعة، هيدول كذا مهرجان من أحلى مهرجانات التسوق بلبنان معمولة لإلكن.

1. مهرجان التسوق و التخفيضات Beirut Black Friday، فوروم دو بيروت

أكبر مهرجان تخفيضات بلبنان، يلي رح ينعمل من 6 لحد 9 شباط بفوروم دو بيروت. على أربع أيّام متتالية، رح تتحوّل بيروت لوجهة التسوّق الأولى، مع خصومات بتوصل من 50% لحد 80% على كل شي. من أثاث وديكور للبيت، ألعاب، إلكترونيات، مستحضرات تجميل، أزياء، أكسسوار، أدوات منزلية وهدايا مميّزة… كل الماركات مجتمعة بمكان واحد وتجربة تسوّق غير شكل. 

المهرجان من تنظيم In Action Fairs، وعم يقدّم مفهوم جديد للتخفيضات بلبنان. 

وإذا انتو من أصحاب الماركات، هيدا هو الوقت لتكونوا جزء من الحدث الكبير وتعرضوا منتجاتكن قدام آلاف الزبائن.

لحجز مكانكن: 600 561 01 – 770 288 81

2. مهرجان التسوق هلا فبراير، معرض رشيد كرامي الدولي

مهرجان تسوّق حيوي رح ينعمل من 12 لحد 15 شباط 2026 بـ معرض رشيد كرامي الدولي بطرابلس. أجواء حلوة وتجربة تسوّق مناسبة لكل الأعمار، من الساعة 4 الضهر لحد 12 نص الليل.

المهرجان بيجمع عدد كبير من العارضين والبراندات، مع تشكيلة واسعة من المنتجات، من أزياء وأكسسوارات، لمستلزمات البيت، هدايا وأفكار تسوّق متنوعة، ضمن مساحة كبيرة ومريحة للتسوّق.

المهرجان من تنظيم We Love Events، وبيهدف يخلق تجربة تسوّق مميّزة بالشمال ويحوّل طرابلس لوجهة تسوّق نشيطة بهالفترة.

وإذا انتو من أصحاب المشاريع أو الماركات، هيدي فرصة مثالية لتكونوا جزء من الحدث وتعرضوا منتجاتكن قدّام جمهور واسع من المتسوّقين.

للحجز أو للمزيد من المعلومات: 643 559 71

بين بيروت وطرابلس، شهر شباط واعد بأحلى مهرجانات التسوق والتخفيضات مغرية وأجواء ما بتتفوّت. حضّروا حالكن، لأنو التسوّق هالشهر رح يكون غير شكل! 🛍️✨

شوفوا كمان:

محل ببيروت ما بياخد مصاري…وفيكن تتسوقوا كل شي!