لينا وقطتها… 3 أيام عالطريق هربًا من الحرب

السيدة لينا حجازي متل كتار من الناس، تركت بيتها ببلدة كفرا على عجل بسبب الحرب. ما كان عندها وقت تفكّر كتير شو تاخد معها. بس كان في شي واحد أكيد بالنسبة لإلها: قطتها لازم تكون معها. 

هيك لينا بتخبر الناس: “هيدي قطتي، هيدي حبيبة قلبي، هرّبتها أول وحدة”. القطة كانت رفيقة لينا بهالرحلة القاسية وشاهدة على كل لحظة صعبة مرّت فيها. 

طلعت لينا أحمد مع زوجها من الضيعة وتوجهوا ع بشامون ع أمل يلاقوا مركز إيواء ممكن يستقبل النازحين. كانوا مفكرين إنو أخيرًا رح يلاقوا مكان يرتاحوا فيه شوي ولكن المراكز كانت مليانة فتوجهوا ع صيدا.

لينا وقطتها صرلن 3 أيام ع الطريق. عم يناموا بالبيك آب، وعم يقضّوا نهارهن بين الانتظار والتعب. يمكن القطّة ما بتفهم كل شي، بس وجودها جنب لينا عم يعطيها شوية راحة بهالظروف الصعبة.

شوفوا كمان:

قطيع ماعز ع كورنيش صيدا…راعي نزح من القصف!