كأس العالم 2026 بالبترون…شاشة عملاقة وتجربة المدرجات العالمية!
هالصيف، البترون على موعد مع تجربة خيالية مع Batroun Foot City 2026، أكبر حدث رياضي وترفيهي لعشّاق المونديال بلبنان! من 11 حزيران لغاية 19 تموز، منطقة بترونيات رح تتحوّل لمدينة كرة قدم حقيقية، وتجمع المشجعين ليعيشوا تجربة كأس العالم 2026 بطريقة جديدة واستثنائية.
المونديال بالبترون!
لأول مرة بلبنان، رح تنعرض مباريات كأس العالم 2026 ضمن أجواء بتحاكي الملاعب العالمية! مع أكبر شاشة بعالم الفعاليات بلبنان بمساحة 250 متر مربع، مباشرة على شط البترون. تخيّل حالك عم تحضر أقوى مباريات مع آلاف المشجعين، وسط الحماس، الأنفاس المحبوسة، الهتافات، والمؤثرات اللي بتخليك تحسّ إنك قاعد ع المدرجات بقلب الحدث.
Batroun Foot City مش بس مكان لتحضروا المونديال! ناطركن كيوسكات أكل و مشروبات، ألعاب تفاعلية، مسابقات وجوائز، زوايا تصوير، أنشطة ترفيهية، ومفاجآت يومية بترافق كل مباراة.
أما حفل الافتتاح، فبيبلّش نهار 11 حزيران:
⚽ 7:30 المسا – استقبال الضيوف
⚽ 8:00 المسا – حفل افتتاح Batroun Foot City 2026
⚽ 8:30 المسا – عرض حفل افتتاح كأس العالم 2026
⚽ 10:00 المسا – عرض المباراة الافتتاحية (المكسيك ضد جنوب أفريقيا)
كيف أسعار التذاكر؟
أسعار التذاكر مناسبة للكل بين 5$ و10$ و15$ بحسب المباريات و المقاعد. أما إذا كنت من عشّاق الكرة الحقيقيين، فيك تستفيد من الـ Season Pass لكل المباريات مقابل 120$ بس.
فيكن تحصلوا ع التذاكر بالرابط هون أو ع الرقم: 144 440 79.
استعدّوا لـ39 يوم من كرة القدم، الحماس، الترفيه و الذكريات الحلوة. جمّعوا الشلّة، حضّروا أعلام منتخباتكن، وخليكن جاهزين لأن Batroun Foot City 2026 رح يخلي البترون عاصمة كرة القدم بلبنان هالصيف!
