كارن وازن تفتتح Beach Club بلبنان… هون أسعار الدخولية!

سيدة الأعمال وأيقونة الموضة اللبنانية كارن وازن افتتحت رسميًا Karen Wazen Beach Club نهار 1 تموز. وإذا عبالكن تعرفوا أكتر عن هالمحل الجديد، فهون كل شي لازم تعرفوه قبل ما تروحوا، من أسعار الدخولية والاشتراكات، لأوقات الدوام.

النادي مليان بلمسة كارن وازن المميزة اللي انتشرت بشكل كبير خلال البوب-أب تبعها بدبي، والنسخة اللبنانية بقيت محافظة على نفس الستايل، بألوان أبيض وأسود، كراسي شمس مخططة، وشمسيات عليها لوغو Karen Wazen.

وهلّق لنحكي عن التفاصيل يلي الكل بدو يعرفها.

أسعار الدخولية

الدخولية من الإثنين للخميس: 30$

الدخولية من الجمعة للأحد (الويك-اند أو أعياد): 40$

أسعار الاشتراك

أما الاشتراك الشهري بالنادي، فسعره 600$.

وبيشمل:

• دخول يومي غير محدود على النادي
• أولوية بالحجوزات وحجز كراسي الشمس
• خصم 15% على كل المأكولات والمشروبات
• أسعار تفضيلية على المنيو الثابتة للحجوزات للغروبات والمناسبات الخاصة
• مشروب ترحيبي مجاني بكل زيارة

الدوام:

النادي فاتح كل يوم، بس الدوام مقسوم على جلسات:

من الأحد للخميس:

جلسة المسبح: من 10 الصبح لـ6 المسا.
جلسة الغروب والسهرة: من 6 المسا لـ9 بالليل.

الجمعة والسبت:

جلسة المسبح: من الساعة 10 الصبح للساعة 6 المسا

جلسة الغروب والسهرة: من 6 المسا لوقت متأخر.

أما البوتيك، بيفتح من 11:30 الصبح لـ7 المسا، ومش بس بيبيع نظارات ومجوهرات كارن وازن، كمان في أساسيات الصيف متل قناني ميّ، برنيطة، شناتي، وغيرن.

إذا كنت عم تتساءل كيف الأجواء بـ Karen Wazen Beach Club، هلّق صار عندك فكرة كاملة قبل ما تحجز. بين أسعار الدخول، الاشتراكات، وجلسات المسبح، صار فيك تقرر إذا بيستاهل الزيارة هالصيف.

لمعلومات أكتر عن الحجز، فيك تشوف صفحتهن على إنستغرام أو تتواصل معن عالرقم 577 066 03.

شوفوا كمان:

فيزا ع لبنان 2026: الدليل الكامل حسب الجنسية