أفخم نادي رياضي من Fitness Zone رح يفتح قريباً بـ Waterfront City ضبيه

Fitness Zone رح يفتتح أجدد فروعه بـ Waterfront City ضبيه، وعم يضيف واحد من أكبر وأفخم النوادي الرياضية تبعه، بقلب واحدة من أجمل الوجهات البحرية بلبنان.

شو ناطركن؟

على مساحة 1500 متر مربّع، الفرع الجديد رح يضم أحدث أجهزة اللياقة، ستوديوهات مخصّصة للتمارين، تكنولوجيا متطورة لتحليل الجسم، ومعدات حديثة بتقدّم تجربة تدريب بمستوى عالي.

ومن أبرز ميزاته الواجهات القزاز الممتدة من الأرض للسقف مع إطلالة مباشرة على البحر، واللي أكيد رح تخلي كل تمرين أحلى. كمان الفرع رح يقدم باركينغ بالموقع، زيادة على برنامج متكامل من صفوف الرياضة.

بعد ما تم الإعلان عن موعد الافتتاح الرسمي، بس Fitness Zone سبق وافتتح stand بـ Waterfront City ضبيه. هونيك فيكن تتعرّفوا أكتر ع الفرع وتحجزوا إشتراككن قبل يوم الافتتاح. وإذا كنتوا مارقين من هونيك، بيستاهل توقفوا وتحكوا مع الفريق!

الاشتراك

إذا سجّلتوا من هلق، فيكن تصيروا من Founding Members وتستفيدوا من سعر Early Bird الحالي مدى الحياة، طالما إشتراككن بضل فعّال.

الفرع الجديد كمان رح يقدم إشتراك Platinum Plus، اللي بيعطيكن إمكانية الدخول ع كل فروع Fitness Zone بلبنان. بما فيها Waterfront City ضبيه، وحتى ع النادي تبعن بدبي. أما أعضاء Platinum الحاليين، بيبقى اشتراكهن صالح لكل الفروع بلبنان باستثناء Waterfront City ضبيه.

Fitness Zone قدر يبني سمعة قوية بين محبي اللياقة والرياضة بلبنان. واليوم عم يوسّع شبكته مع أجمل فرع إلو لحد هلق. ومع التجهيزات الفخمة، أحدث المعدات، والموقع المميز على الواجهة البحرية، بيعكس فرع Waterfront City ضبيه التزامن برفع مستوى تجربة الزبائن.

للمزيد من المعلومات، تأكدوا تتابعوا صفحتهن على الإنستغرام. وإذا حابين تشوفوا كيف رح يكون الفرع الجديد قبل يوم الافتتاح، فيكن تكبسو هون.

شوفوا كمان

شط نضيف وببلاش…تعرفوا ع شط العقيبة بكسروان!

إذا بعدكن عم تفتّشوا على شط نضيف وببلاش بكسروان، شط العقيبة لازم يكون على الليستا هالصيف.