رسمياً: مدينة صور القديمة ع لائحة التراث العالمي المهدّد بالخطر

أدرجت منظمة اليونيسكو رسميًا مدينة صور الأثرية على قائمة التراث العالمي المهدّد بالخطر. هالشي بهدف تعزيز الجهود الدولية لحماية واحد من أهم المواقع الأثرية بلبنان، بعد الأضرار اللي خلّفتها الغارات الجوية المعادية.

وأوضحت وزارة الثقافة إنو هيدا التصنيف رح يوفّر إطار أقوى لحماية المدينة التاريخية، والحفاظ عليها، وترميمها. وفيكن تقروا البيان الكامل يلي نشرته الوزارة هون:

وقال وزير الثقافة غسان سلامة، إنو هيدا القرار بيذكّر العالم إنو حماية التراث الثقافي مسؤولية مشتركة. وأضاف إنو مدينة صور مش بس جزء من تاريخ لبنان، هي كمان جزء من تاريخ الإنسانية. ومن هون بتصير مسؤولية حمايتها مسؤولية جماعية بتتخطّى الحدود والنزاعات.

ولفتت الوزارة كمان إنو مدينة صور كانت حصلت سنة 2025 على الحماية المعزّزة بموجب البروتوكول الثاني لاتفاقية لاهاي لعام 1954 الخاصة بحماية الممتلكات الثقافية أثناء النزاعات المسلحة. وهيدا التصنيف بيعترف بالقيمة الثقافية الاستثنائية للموقع، وبيعزّز الإجراءات الخاصة بحمايته خلال فترات النزاع.

وكانت اليونيسكو قد أدرجت مدينة صور القديمة على قائمة التراث العالمي سنة 1984، باعتبارها من أهم المواقع الأثرية على البحر الأبيض المتوسط. وبيعكس القرار الأخير للجنة التراث العالمي حجم تحديات وأضرار اللي تعرّض إلها الموقع. وبيأمّن إطار دوليًا أقوى لدعمه، وحمايته، والحفاظ عليه، وترميمه بالمستقبل.

هالخطوة بتفتح المجال أمام دعم دولي أكبر، بيشمل خبرات تقنية و مساعدات متخصصة بأعمال الحفظ و الترميم، لضمان حماية هالموقع التاريخي للأجيال الجاية.

شوفوا كمان:

39 موقع ثقافي بلبنان صاروا تحت حماية دولية مؤقتة