أكبر مهرجان جاية ع الجنوب هالويك اند! (الدخول مجاني)

مهما كانت الظروف، أهل الجنوب دايمًا بيلاقوا طريقة ليخلقوا فرح وأوقات حلوة. وهالويك إند، بلدة أنصارية رح تستقبل أكبر كارنفال اسمو مهرجان الجنوب، مع فعاليات للعيلة، سوق أكل، ألعاب، مشاريع محلية وأجواء مليانة حركة وفرح.

هيدا كل شي رح تلاقوه بالكارنفال:

رح ينعمل مهرجان الجنوب بقلب منتجع الملاك – الأنصارية (قضاء صيدا) نهار 11 و12 و13 أيلول، مع برنامج مليان فعاليات مناسبة لكل الأعمار. يعني إذا عم تفتشوا على مشوار حلو مع العيلة والولاد، أو طلعة مع الرفقة قبل ما تبلّش السنة الدراسية، هيدا الويك إند فيكن تحطّوه ع الليستا.

للولاد، في 6 ألعاب نفخ ضخمة، رح تكون موجودة كل يوم من الساعة 4 بعد الضهر للساعة 10 المسا. وبنفس الوقت، أكتر من 25 مطعم وكيوسك أكل رح يشاركوا بالكرنفال، مع تشكيلة كبيرة من الأكلات والحلويات.

وكمان، رح يكون في سوق بيجمع حرفيين وأصحاب مشاريع محلية، مع كيوسكات بتعرض رسومات وأعمال فنية، أكسسوارات، منتجات محلية ومونة. يعني فيكن تكتشفوا شغلات جديدة، تشتروا من مشاريع صغيرة، وتدعموا أصحابها بنفس الوقت اللي عم تستمتعوا فيه بالكرنفال.

وإذا بدكن تكمّلوا نهاركن بالمنتجع، فيكن كمان تستفيدوا من دخولية المسبح مقابل $5 بس.

إذا بعدكن ما قررتوا شو تعملوا هالويك إند، وخصوصًا إذا كنتوا بالجنوب، هيدا الكرنفال ممكن يكون المشوار اللي عم تفتشوا عليه.

📍 منتجع الملاك، أنصارية

🗓️ 11، 12 13 أيلول

⏰ من الساعة 4 بعد الضهر للساعة 10 بالليل

🎟️ الدخول مجاني بس بتدفعوا بمنطقة الألعاب

💵 الأولاد تحت عمر الـ14 سنة: $7 للدخول الكامل على الألعاب.

شوفوا كمان:

كل المطاعم والكافيهات الجديدة بـOn The Promenade ع الواجهة البحرية ــ ضبية