عبالكن لقمة طيبة بالجنوب مع قعدة ساحرة؟ لتكمل سفرتكن اليوم، تعرفوا معنا على هل-7 مطاعم بالجنوب بقعدة خيالية.
1- مطعم الشالوف – جزين
تخايلوا عم تتغدوا وشلال جزين قدامكن! لتعيشوا هل لحظات الحلوة، ميلوا صوب مطعم الشالوف بجزين، وأكيد ما تنسوا تجربوا اللحمة النية من عندو، بيعملها بكل شطارة!
الرقم: 774 778 07
2- بيت الزمن الجميل – النبطية
عبالكن ترجعوا لزمن الأبيض والأسود؟ بيت الزمن الجميل بالنبطية هو عبارة عن متحف تراثي ومطعم لبناني بيقدم سفرة غنية مع قعدة بترجع أصالة التراث.
الرقم: 222 429 71
3- أوتيل البوتيك – صور
أوتيل البوتيك مشهور بقعدة التراس مقابل البحر وغروب الشمس، بس هالشتوية فتح قعدة داخلية بديكور وجو ساحر وفخامة ضروري تجربوها!
الرقم: 960 740 70
4- هوا جرجوع – جرجوع
لعشاق القعدة الجبلية والمناظر الطبيعية، مطعم هوا جرجوع بيجمعلكن القعدة الدافية جنب الموقدة والفيو للجبال الساحرة، قعدة بتروق الراس وأكل بفرفح القلب.
الرقم: 427 535 70
5- المستشار – صيدا
مطعم المستشار بيتمتع بمنظر الشط الحلو لي بطل على قلعة صيدا التاريخية، وبقدملكن قعدة مميزة مع ترويقة غير شكل.
الرقم: 000 855 03
6- كيف – جزين
عيشوا الحياة الريفية ودوقوا الأكل البلدي من هل مطرح بجزين، عندن الديكور العتيق والموقدة الدافية والأكل الطيب والمناظر التلجية الساحرة بالمنطقة.
الرقم: 449 441 70
7- مرجوحة – صور
عند مرجوحة بتنبسطوا بالقعدة الدافية والجو الرايق ومنظر موجات البحر عم تروح وتجي وكمان الأكل الطيب!
الرقم: 208 797 76
شوفوا كمان، أطيب مطاعم الجنوب لعشوات شهية ومميزة.