قهوة جديدة ببدارو بتاخد العقل

الشي الوحيد يلي ما بيتغير بلبنان هو حب الأكل الطيب والمشاوير الحلوة.

كرمال هيك حتى بظل الأزمات، بيضل في مشاريع جديدة عم تفتح ولازم ندعمها.

خلينا نعرفكن على قهوة وفرن جديد بمنطقة بدارو اسمها “سيفت“. بتقدم كل أنواع القهوة والمخبوزات، من الكيك للكرواسون للمعجنات والحلويات وغيرها.

كل شي بينعمل طازة وبيطلع دغري من الفرن على رفوفن.

عندن قعدة صغيرة ومهضومة قدام المحل، ولون المحل الأزرق بيجذبكن دغري.

كمان عندن مينو جديدة بتتضمن أطباق من المطبخ الفرنسي والإيطالي، وبيعملوا برنش كل سبت وأحد.

موجودين على شارع بدارو الرئيسي وناطرينكن!