بيروت تقيم أكبر طاولة إفطار رمضاني بالعالم!

شهدت بيروت نهار السبت لحظة مميزة مع انطلاق أكبر طاولة إفطار رمضاني بالعالم، جمعت أكتر من 5,800 صائم من كل المناطق والفئات على طاولة وحدة، والحدث دخل بموسوعة «غينيس» للأرقام القياسية.

الإفطار نظمته جمعية «أجيالنا» بالبيال وكان برعاية رئيس الوزراء نواف سلام. الحدث ما كان بس رقم قياسي، بس كمان رسالة عن الوحدة والتضامن بين كل اللبنانيين مهما كانت اختلافاتهن.

الإفطار جرى ضمن مبادرة إنسانية جامعة، والأغلبية يلي شاركت هني من الأيتام والعيل والمتطوعين، بأجواء مليانة حب وتكافل، بتعبّر عن روح رمضان المبارك.

خبرونا بالتعليقات، شو رأيكن بدخول لبنان رسمياً موسوعة غينيس للقب أكبر طاولة إفطار رمضاني بالعالم؟ وأديه حلو نشوف هيك مبادرات جامعة بلبنان؟

شوفوا كمان:

30+ مطعم عندن إفطار رمضان تحت 32$ حول لبنان!