أجمل ٢٢ مطعم بلبنان مع منظر على البحر

ما في أجمل من القعدة على البحر بلبنان ومن منظر الأكلات والبرودات الحلوين. لبنان بيتميز بشط البحر المتوسط وبأطيب مطبخ وأشهى المأكولات. كرمال هيك رح نعرفكن اليوم على جمال المطاعم لي بتطل على البحر ونخبركن شوي عن كل محل.

١. لا فونيفيا، جونية

لا فونيفيا هوي المحل المثالي إذا عبالكن تقضوا وقت كتير مميز ورومانسي مع حبيبكن! أما بالنسبة للأكل، بقدملكن تشكيلة من السلطات، البيتزا، الأطباق الرئيسية، وأكيد المشروبات مع منظر رائع على البحر.

الرقم: 335 350 81

٢. قمر، حريصا

محل ساحر على طريق حريصا بيتميز بإطلالة على البحر وبمنظر بياخد العقل. الأكل شرقي مع أطباق لبنانية تقليدية وقعدة وتراس وبرودات.

الرقم: 880 801 03

٣. لا كريبري، جونية

من أجمل المطاعم الرومانسية بلبنان، متخطط بالمطبخ الفرنسي وأطباق البحر المتوسط. بقدم للزوار قعدة مثالية بطل على خليج جونية، وأكل طيب وأجواء رومانسية.

الرقم: 022 202 71

٤. الفلمنكي، الروشة

الفلمنكي من أجمل القاعدات ببيروت، إلها تاريخها وناسها. الأكل روعة، فنجان القهوة هون بتشربوا دغري حد البحر.

الرقم: 456 323 01

٥. استراحة أولين، ساحل علما

أولين بار مكان فريد ومضياف مع إطلالة ساحرة على خليج جونية الرائع. فيكن تجوا وقت المغيب تقعدوا على التراس المطل على البحر وتشربوا أطيب كاس وتتطلبوا وجبتكن المفضلة وتاخدوا أحلى الصور!

الرقم: 955 911 76

٦. دار ألما، صور

مطعم بياخد جمالو وألوانو من بحر صور. أكلو كتير طيب وأكتر شي مشهور في الترويقة البلدية والجلسة على البحر بترد الروح.

الرقم: 082 740 07

٧. قمر، ضبيه

متخصص بالمطبخ اللبناني التقليدي، والقعدة عندو على البحر. المطعم واسع وشرح والخدمة ممتازة والقعدة على التراس بتحبس الأنفاس.

الرقم: 300 710 81

٨. لو فينيسيان، صور

مطعم كتير مرتب بصور بقدم أطيب مأكولات لبنانية وبحرية. المنظر كتير حلو وبطل على شط صور.

الرقم: 177 499 01

٩. مرشاق على البحر،البترون

إذا عبالكن أكلة سمك غير شكل مع جلسة بتحبس الأنفاس، ما رح تلاقوها غير عند مرشاق. كل شي فريش وبيجي على صحنكن دغري والجو رومانسي كتير والطاولات على البحر.

الرقم: 888 948 76

١٠. موراي، جونية

موراي من أجمل مطاعم لبنان بطل على البحر وبقدم كل أنواع الأكل لي بيخطر على بالكن. كل شي وموجود والتحلاية كتير مميزة وفيكن تطلبوا أرغيلة.

الرقم: 170 154 71

١١. كافي أماريا، أنطلياس

مطعم لبناني بقدم كل أنواع المأكولات الشرقية ومأكولات العالمية مع إطلالة دغري على البحر وجو حلو.

الرقم: 030 706 70

١٢. بونتا ديل إيستي، جونية

بونتا مطعم أرجنتيني بقدم أطيب المأكولات الغربية والإسبانسة بأجواء مليانة ألوان وموسيقى على البحر.

الرقم: 466 933 76

١٣. قهوة المندلون، ضبية

بقدم أجود أنواع الأطباق اللبنانية، السمك وثمار البحر مع ديكور لبناني تراثي وقعدة على البحر.

الرقم: 404 400 03

١٤. السلطان ابراهيم، كازينو لبنان

مطعم لبناني فاخر بقدم أطيب المأكولات الشرقية والسمك مع قعدة فاخرة وسفرة شهية.

الرقم: 753 853 09

١٥. شي زخيا، جونية

مطعم بطل على البحر وبقدم كل أشهى المأكولات اللبنانية، السمك وثمار البحر وقعدة بتحبس الأنفاس.

الرقم: 222 846 03

١٦. باب المينا، جبيل

مطعم تراثي على مينا جبيل بطل على أجمل منظر وقعدة غير شكل وأكلة سمك ومشروب. هل مطعم جار القلعة وبنام على كتف المينا الأثرية بجبيل ليمنحكن تجربة استثنائية.

الرقم: 475 540 09

١٧. الفدار بيتش هاوس، الفدار-جبيل

أجمل قعدة على البحر مع ورود وأكل طيب وديكور عصري مليان ألوان. الزوار بيقدروا ينزلوا يسبحوا بالشط المجاور.

الرقم: 793 783 81

١٨. أوسياندا، الصفرا

من أجمل القعدات على البحر بلبنان، بقدم جميع أنواع المأكولات البحرية والسمك مع لمسة سحر وجمال.

الرقم: 061 854 09

١٩. شي فؤاد، أنفه

مطعم لبناني على البحر بقدم أطيب المأكولات الشرقية والأطباق البحرية مع دخول مجاني على البيسين والبحر.

الرقم: 117 830 70

٢٠. كرمنا، عين المريسة

مطعم لبناني بطع على مشهد بانورامي على البحر، بيعمل أجود أنصناف المطبخ اللبناني الكلاسيكي مع لمسة عصرية وأجواء فرح.

الرقم: 877 008 03

٢١. درمجي، البترون

مطعم بقدم أشهى المأكولات الصحية مع إطلالة روعة على البحر وبيت ضيافة ونشاطات.

الرقم: 900 632 03

٢٢. الشط الفضي، طرابلس

مطعم لبناني بقدم كل أنواع المأكولات البحرية والشرقية مع إطلالة على مينا طرابلس.

الرقم: 385 601 06