٢٣ شغلة فيكن تعملوها بضيعة حدث الجبة الساحرة

حدث الجبة ضيعة عظيمة نايمة على كتف وادي قنوبين، غنية بالثروات الروحية، السياحية، التراثية والبيئية. حدث الجبة أو “الحديد” متل ما بقلولا أهل الضيعة من أجمل الضيع بلبنان، وأهلها من أطيب الناس والقعدة فيا من العمر والمشوار برد الروح وبريح النفسية، تعوا نتعرف عليها سوا وشوف شو فينا نعمل بربوعها.

١. بلشوا نهاركن بأطيب ترويقة بلدية عند كافي ورد

الرقم: 652 621 03

٢. زوروا كنيسة مار دانيال الأثرية لي انبنت على أنقاض معبد عمرها فوق ال900 سنة وتعتبر من أقدم الكنايس بلبنان، تهدومت وتعمرت أكتر من مرة إيام الإضطهاد المملوكي

٣. زوروا أعلى كنيسة بالشرق الأوسط، كنيسة الرب لي بترتفع 2000 متر

٤. تفرجوا على النواويس الحدد الأثرية ومقبرة الملكة ضيا بنت الملك نبوخذ نصر ملك بلاد ما بين النهرين العظيمة

٥. زوروا مطاحن الحدد الأثرية

٦. ما تفلوا من دون ما تدوقوا وتتزودوا من الخضرا المجففة المصنوعة بالضيعة وتشربوا كاسو كوكتيل عند ورد

الرقم: 652 621 03

٧. زوروا مبنى البلدية الأثري لي كلو حجار وعلي ختم السلطان العثماني: من المرجح كان بيت لأحد السلاطين العثمانية

٨. شوفوا محلات الخضرا والفاكهة من حدث الجبة الفريش وorganic من الأرض ما بتلاقوها ببيروت وزعتر بلدي

٩. زوروا مغارة العاصي المليانة تاريخ لجأوا لإلها ولاد الضيعة والجوار وقت الإضطهاد المملوكي

١٠. تمشوا بشوارع الحدد الأثرية كلها بيوت قديمة وقرميد جوري واشربوا

١١. إنتوا وعم تتمشوا شربوا المي الطيبة من العين: مسقعة ونضيعة، عنجد أطيب مي بلبنان

١٢. طلعوا على جبل مار سمعان وتفرجوا على جمال وعظمة وادي قاديشا

١٣. خيموا على تلة الصليب وتفرجوا على النجوم: رح تحسوا السما قري كتير

١٤. إذا رحتوا ب4 أيلول من كل سنة فيكن تشاركو بمهرجان عيد مار دانيال بساحة الضيعة

١٥. ناموا بالحدد وعيشوا أجواء الضيعة ببيت الحارة، لي هندستو قديمة رح تذكركن ببيت التيتا والجدو بالضيعة

١٦َ. تفضلوا على أطيب كاسة سحلب وبوظة جبلية عند ديوان الرومي

الرقم: 853 942 71

١٧. أرزات من أجمل مخيمات لبنان مغمور بشجر الأرز، فيكن تناموا بأحضان الطبيعة أو تجوا تاكلوا بنص الغابة وتمجدوا الخالق على هل جمال

١٨. زوروا بركة المي على التلة

١٩. طلعوا شربوا قهوة على قمة الجبل وتأملوا جمال الوادي المقدس

٢٠. تغدوا أطيب مناقيش لحم بعجين من عند فرن كلود حرب

الرقم: 085 435 03

٢١. أو أطيب كبة زغرتاوية عند ديوان الرومي وصحن ورق عنب

الرقم: 853 942 71

٢٢. عملوا بيسيكليت وتتمشوا بشوارع الضيعة

٢٣. بالشتوية التلج بغطي كل المرج وتتحول الضيعة للوحة فنية بتمجد جمال البنان

٢٤. زوروا أكبر غابة أرز بلبنان لي بتحتوي 000 300 شجرة أرز: جنة زغيرة