بالفيديو: عبور أهل الجنوب حتى فوق الجسور المقطوعة

مع دخول لبنان بهدنة لـ10 أيام، عم تنتشر فيديوهات بتفرجي رجعة الجنوبيين ع بلداتن، حتى ولو البنى التحتية بعدها مدمّرة. الطرقات الأساسية و الجسور المقطوعة عم تتزبط شوي شوي، ولو جزئياً، رغم حجم الدمار الكبير.

جسر القاسمية، يلي بيربط صور بباقي المناطق، انفتح أخيراً وبلّشوا يمرقوا السيارات اللي كانت ناطرة. بالفيديوهات مبين كيف السيارات عم تقطع على مهلا ومن ميلة وحدة، بس المهم إنو الطريق صارت سالكة.

وع جسر طرفلسيه التاريخي، يلي تدمر بالكامل بالغارات، الناس عم تقطع مشي فوق الركام بس ليوصلوا ع ضيعن. في فيديو مؤثّر لعيل عم تمشي فوق الأجزاء المنهارة، ومصمّمين يرجعوا مهما كانت الظروف.

رغم الطرقات المقطوعة والجسور المهدومة، أهل الجنوب بعدن عم يلاقوا طريق للرجعة. الدمار ما قدر يوقف بوجههن، وإرادة الرجوع أقوى من كل شي.

للمزيد من المحتوى متل هيدا، تأكدوا تشوفوا أقسام #الأخبار و #دعم_لبنان.

شوفوا كمان:

بعد الدمار… صاحب أوتيل بالناقورة بيتوعد بإعادة إعماره!