يا لطيف ألطف…جربتوا البوظة على جنارك أو بعد؟

بتعشقوا الجنارك؟ حضروا حالكن لإختراع هالموسم!

محل غوستوزو Gustoso بالحدت مخترع طعمة بوظة من الأحلام، عرفتوا عن أي طعمة عم نحكي؟

تخايلوا معنا بوظة على جنارك، أي متل ما سمعتوا! كلنا منعرف أديه الجنارك إلو شعبيتو خصوصي بهل طقس، هالفواكي ما بتترك طاولاتنا، وتعتبر من أكتر السناكات المحبوبة هالموسم، مين فينا ما بيحب يقعد على البرندا وصحن الجنارك حدو، ومنغط كل حبة بالملح، ومنلقمش ونمزمز بحموضتها، يا لطيف!

كل اللي عليكن تعملوا لتجربوا هالبوظة إنو تحملوا حالكن وتميلوا صوب غوستوزو، بيعمل البوظة من جنارك طبيعية 100% وطازة ومحافظة على طعمة الحموضة اللي كلنا منحبها، بيغرف من القالب وبحطلكن ملعقة معرمة بقرن البوظة، وأكيد إنتو بتختاروا إذا بدكن ياها مع ملح أو بلا ملح!

محل غوستوزو كمان مشهور بطعمات بوظة مميزة متل البوظة على فستق بيعملها غير شكل، بوظة المانغو، بوظة اللوتس… كيك على بوظة بأطيب النكهات، عصير فريش وبيبورد القلب، وحزروا شو كمان؟ كريب ووافل كتير طيبين!

شو بعدكن ناطرين! يلا عند غوستوزو!

للمزيد من المعلومات، اتصلوا على 555 025 81

شوفوا كمان، ٤١ وجبة تحت ال000 500 ل.ل. فيكن تطلبوهن لما يضرب الجوع.