500 ليرة أكل وشرب

معكن 500 ليرة؟ بدّلوها بليموناضة بهالمحل بالبترون!

إذا بعد عندكن 500 ليرة قديمة مخبّاية بشي جزدان أو جارور بالبيت، هلق صار وقت تطلّعوها! بمناسبة عيد الاستقلال، Jessy Juice بالبترون عامللكن مفاجأة مهضومة: فيكن تبدلوا الـ500 ليرة بكباية ليموناضة طازة!

نهار 22 تشرين الثاني بس، فيكن تاخدوا معكن الـ500 ليرة على Jessy Juice وتبدّلوها بكباية من الليموناضة الشهيرة عندن. يعني فتّشوا منيح بالجزادين، الجيبات والجوارير، يمكن تلاقوا هالعملة اللي صارت نادرة وتربحوا كباية ليموناضة ع حساب المحل!

وهيك كانت التعليقات ع بوست المحل ع انستغرام:

مين بيتذكر شو كنا نجيب من الدكانة بالـ500 ليرة؟

وإذا بتعرفوا Jessy Juice، فأكيد بتعرفوا إنّه من أشهر محلات الليموناضة بالبترون. هالمحل العائلي عم بيحضّر الليموناضة على الطريقة التقليدية من سنة 1957، وصار من المحطات اللي ما لازم تفوّتوها إذا زرتوا البترون وبدكن تجرّبوا الليموناضة البترونية الأصلية.

المنيو عندن فيها أكتر بكتير من الليموناضة! فيكن تختاروا من تشكيلة الكوكتيلات والسموذي، القشطة مع الفواكه، الميلك شيك، الكريب، الوافل والآيس كريم. ومن الأصناف المميّزة عندن كمان الـSushi Crepe Boat، اللي بيجي على شكل قطع سوشي محشية بالنوتيلا أو الموز أو الفريز أو الأوريو!

يعني إذا ناويين تزوروا البترون وتشوفوا زينة الميلاد هالفترة، صار عندكن سبب زيادة تمرقوا على Jessy Juice. 

شوفوا كمان:

8 نكهات شوكولا من مدن لبنان...شو عامل هالمحل ع عيد الاستقلال؟

8 نكهات شوكولا من مدن لبنان…شو عامل هالمحل ع عيد الاستقلال؟