مدونة
التوعية بالسرطان ما لازم تكون بس بشهر تشرين الأول. ومن هالفكرة، تعاون ملك الطاووق مع جينيفر سعد، اللي حاربت السرطان، بمبادرة هدفها تشجّع الناس يساعدوا ويدعموا كل شخص عم يواجه هالمرض.
ومن خلال هالمبادرة، عم يجمعوا التبرّعات لحنين فؤاد نقولا، اللي عم تحارب سرطان الدم (اللوكيميا). وعم تشارك جينيفر تجربتها مع السرطان لتذكّر الناس أديه مهم نوقف حدّ المرضى ونساندن بهالفترة الصعبة.
لأنو بالنسبة لكل مريض وعيلته، رحلة العلاج والتحديات ما بتخلص مع انتهاء حملات التوعية أو شهر تشرين الأول. الدعم مطلوب بكل وقت، مش بس خلال شهر التوعية!
من خلال تطبيق MAT، صار فيكن تتبرّعوا لحنين فؤاد نقولا وتساعدوها بهالمرحلة من علاجها. مهما كانت قيمة التبرّع، كل مساهمة بتفرق وبتفرجيها إنو في ناس حدّا وعم تدعمها.
كل اللي عليكن تعملوه إنكن تختاروا طلبكن، ولما توصلوا لمرحلة الدفع، فيكن تضيفوا تبرّع بقيمة 200,000 ليرة لبنانية لحنين. وإذا حابين تتبرّعوا بمبلغ أكبر، اكبسوا على إشارة + وكل كبسة بتزيد 200,000 ليرة لبنانية على التبرّع.

سواء تبرّعتوا بالمبلغ الأول أو قررتوا تزيدوه، كل مساهمة بتساعد وبتوصل رسالة لحنين إنو مش لحالها بهالمعركة. وإذا كنتوا عم تطلبوا من تطبيق MAT، فيكن كمان تستغلّوا فرصة الدفع لتساهموا بهالمبادرة وتساعدوا حدا بحاجة لدعمكن.
أو ابدأ بأحد هذه الاقتراحات