What Spots Are Open in Starco? Here's Your Guide شو مشاريعنا
This article is also available in الإنجليزية. Switch Language

أبرز المحلات اللي فتحت واللي جايي ع ستاركو ببيروت!

ستاركو عم تشهد حركة جديدة مع افتتاح مطاعم وكافيهات ومحلات بتقدّم أفكار مختلفة. وبين الأماكن اللي فتحت واللي بعدها ناطرة تفتح أبوابها، جمعنالكن كل شي جديد بهالدليل، لتعرفوا شو فيكن تجرّبوا بهالمنطقة!

The Pink Lady

إذا بتحبّوا البيغل، The Pink Lady جابتلكن أجواء محلات البيغل بأميركا الشمالية على قلب بيروت! بتحضّر البيغل طازة، وبتقدّمه مع تشكيلة حشوات، منها الكلاسيكية ومنها بتركيبات جديدة ومميّزة.

Red Apples

Red Apples جابت أجواء نيويورك على ستاركو، مع قطع بيتزا كبيرة بعجينة رقيقة ومقرمشة، متل البيتزا اللي بتلاقوها بمحلات نيويورك المعروفة.

Turn Baby Turn

الفريق اللي ورا Backburner وMeat the Fish قرّر هالمرة يركّز على الدجاج! بـ Turn Baby Turn، فيكن تجرّبوا الدجاج المشوي على الفحم أو المقلي، مع سندويشات، أطباق جانبية وصوصات منوّعة.

Ministry of Coffee

إذا كنتوا بستاركو وعبالكن قهوة، Ministry of Coffee من الأماكن اللي فيكن تمرقوا عليها. بيقدّم قهوة مختصّة مع تشكيلة حلويات، سواء بدكن تاخدوا قهوتكن وتمشوا أو تقعدوا شوي وتاخدوا بريك من نهاركن.

US Coffeeshop

US Coffeeshop جاب القهوة المختصّة على ستاركو، مع قهوة محضّرة بعناية، ماتشا ومشروبات تانية. ومحلّه مناسب إذا بدكن تقعدوا شوي، تشربوا قهوتكن وتاخدوا رياحة من عجقة المدينة.

إم شريف دِيلي

فرع الديلي من إم شريف بيقدّملكن أكلات لبنانية بتحبّوها بطريقة سهلة وسريعة. من السندويشات والترويقة، للسلطات والطبخات التقليدية والمونة البيتية والحلويات، وبتلاقوا عندن كمان مجموعة من الأطباق المعروفة من مطعم إم شريف.

Galilee Beirut

Galilée بيجمع بين كافيه للقهوة المختصّة ومحل للورد، وفيه كمان زاوية صغيرة للديكور والـ lifestyle. وبتقدروا تشاركوا بورش تعلّم تنسيق الورد. يعني مش بس محل للقهوة، تجربة مختلفة شوي!

Urban Cup

كمان في Urban Cup، اللي بيقدّملكن قهوتكن اليومية بستاركو. فيه قعدة داخلية وخارجية بأجواء بسيطة ومريحة، وبيكون خيار حلو إذا بدكن تشربوا قهوة، تلتقوا بأصحابكن أو تقضوا شوي وقت سوا.

Tawlet Beirut

من فريق Tawlet، رح يفتح محل جديد بستاركو بشهر كانون الثاني. وبيتميّز Tawlet بتقديم أكلات لبنانية من مختلف المناطق، بالتعاون مع مزارعين ومنتجين وطباخات من كل لبنان.

A la Minute

Babel Group عم يحضّر لمطعم جديد بستاركو، رح يقدّم أكل لبناني سريع ويومي. ويمكن بتعرفوا هالمحل من سندويش غزل البنات المشهور!

Little Saturday

مجموعة Nothing But Love كمان عم تحضّر لمحل جديد بستاركو. لهلّق، التفاصيل بعدها محدودة، بس حساب Little Saturday على إنستغرام عم يلمّح لافتتاح قريب، ونحنا ناطرين نعرف أكتر عن هالمكان الجديد!

ام شريف برغر

مجموعة Em Sherif قرّرت توسّع خياراتها وتفوت كمان على عالم البرغر! Em Sherif Burger رح يقدّم مفهوم جديد بستاركو، حدّ Em Sherif Deli مباشرةً. لهلّق، بعد ما انكشفت تفاصيل المنيو أو موعد الافتتاح، بس أكيد رح نخبركن أول ما نعرف أكتر!

في محل نسيناه ب ستاركو؟ خبرونا!