شو مشاريعنا
عم ترجع الحياة شوي شوي على مناطق الضاحية، ومعها عم نشوف أماكن جديدة عم تفتح أبوابها. ومن بين هالأماكن، MOOD Café، كافيه جديد بالشياح، بشارع أسعد الأسعد، جايي يضيف خيار جديد لعشّاق القهوة والناس اللي بتحب تقضي وقتها بأجواء هادية ومريحة.
سواء بتحبّوا تبلّشوا نهاركن بفنجان قهوة، تلاقوا محل تدرسوا أو تشتغلوا فيه، أو بس تغيّروا جوّ وتقضوا شوي وقت برا البيت، MOOD Café ممكن يصير من الأماكن اللي رح تحبوها. بيفتح كل يوم من الساعة 7 الصبح للـ12 بالليل، يعني فيكن تمرقوا عليه بأي وقت خلال النهار.
بالمنيو، رح تلاقوا تشكيلة من مشروبات القهوة، منها اللاتيه، السبانيش لاتيه، الكراميل لاتيه، الفلات وايت والكابتشينو. واللي بحبّوا يجرّبوا نكهات مختلفة، في وGingerbread لاتيه. أما إذا مش من محبّي القهوة، ففي ماتشا ومشروب الـUbe كمان، عدا عن الحلويات المميّزة اللي بتكمّل تجربة القهوة.
بس MOOD Café مش بس كوفي شوب. المكان بيجمع بين الأجواء الهادية والدافية، وفيه مكتبة وغرفة مخصّصة للدراسة والشغل، ليكون مناسب إذا بدكن تغيّروا جوّ، تشتغلوا على اللابتوب أو تدرسوا بعيد عن الضجة. يعني فيكن تجوا لحالكن، مع رفقاتكن، أو حتى تاخدوا بريك صغير من روتين النهار.
وبين القهوة، الماتشا، الحلويات والأجواء المريحة، هالمحل عم يقدّم تجربة مختلفة بالشياح، وعم يضيف خيار جديد للناس. ما تنسوا تابعوهن ع انستغرام هون.
أو ابدأ بأحد هذه الاقتراحات