مخبّى ببرج البراجنة… «لقمة إم حسين» عندها أطيب ترويقة!

بحي شعبي ببرج البراجنة، وتحديداً بمنطقة عين السكة، في محل متواضع مخبّى بين الحارات بيقدّم ترويقة لبنانية بتخلّيكن تشتاقوا للأكل البيتي يلي على أصوله! «لقمة إم حسين»، محل بتلاقوا فيه أطيب الأكلات اللبنانية المحضّرة بإيد سيدة لبنانية، وبكل حب واهتمام.

من أول ما توصلوا، رح تستقبلكن ريحة الفلافل الطازة، ومعها تشكيلة من الصحون اللي بتفتح النفس. فيكن تختاروا بين الحمص بالطحينة، والحمص والفول، والمسبّحة، والفتّة، وطبعاً الفلافل المقرمشة. يعني كل شي بتشتهوه لتبلّشوا نهاركن بترويقة لبنانية روعة!

والحلو بالموضوع إنّه الأكل بيتحضر بعناية، مع لحمة طازة يومية من عند اللحّام، وصحون مرتّبة ومغنّجة، وسرفيس كريم بيخلّي التجربة أحلى. كل لقمة فيها نكهة الأكل البلدي البسيط، بس طعم أصيل بيذكّركن بالترويقة اللي منحبّها كلنا.

«لقمة إم حسين» هو من هالأماكن اللي بتثبت إنّه مش ضروري يكون المطعم كبير أو ديكوره فخم لتاكلوا أكلة طيّبة. أوقات، أطيب لقمة بتكون بمحل متواضع، ومن تحت إيدين ناس بيحطّوا قلبن بشغلن.

إذا كنتوا قريبين من برج البراجنة، ما تنسوا تمرقوا عند إم حسين. لإنو عنجد، لقمة بتستاهل تنعرف!

📍 برج البراجنة، عين السكة، حدّ معرض الكبير، جنب بن وسام.

📞 للطلبات والاستفسار: 989 335 71

📱 تابعوهن ع انستغرام هون.

شوفوا كمان:

كافيه جديد بالضاحية، بس ديكوره مش متل أي محل تاني!