بتعرفوا إنو في بوظة ع تين بلبنان؟

إذا بتحبّوا البوظة وعم تفتّشوا على نكهة جديدة تجرّبوها هالخريف، عندنا إلكن خبر حلو! Guilt Free Gelato عم يقدّم نكهة بوظة ع تين الموسميّة، يلي بتجمع بين طعم التين الطبيعي وحلاوته، مع إضافات بتخلّيها مميّزة عن نكهات البوظة العاديّة.

هالنكهة بتجي سوربيه، وبتتميّز إنّها بلا سكر مضاف، لأنّها بتعتمد على حلاوة التين الطبيعيّة. وفوقها، بيضيفوا رشة جوز وعسل السنديان، ليعطوها طعم أغنى وقرمشة بتكمّل هالميكس.

والأحلى إنّها، متل باقي الخيارات بالمحل! خالية من اللاكتوز والغلوتين، يعني فيكن تستمتعوا فيها حتى لو عم تفتّشوا على خيارات مناسبة. بس انتبهوا، لأنّها نكهة موسميّة ومتوفّرة لفترة محدودة، فلا تضيّعوا الفرصة إذا بتحبّوا تجرّبوا شي جديد!

شو بيميز Guilt Free Gelato؟

Guilt Free Gelato هو محل جيلاتو بلبنان بيقدّم أكتر من 20 نكهة بين الجيلاتو والسوربيه، بالإضافة لمجموعة من الحلويات والخيارات يلي بتناسب أذواق واحتياجات غذائيّة مختلفة. الفكرة إنّكن تقدروا تستمتعوا بالبوظة وتختاروا من نكهات ومكوّنات بتناسب نظامكن الغذائي، من دون ما تضطرّوا تتخلّوا عن الحلو.

إذا كنتوا عم تتبعوا نظام الكيتو، أو بدكن تخفّفوا السكر، أو عندكن حساسيّة ع اللاكتوز أو الغلوتين، فيكن تلاقوا خيارات مخصّصة إلكن.

إذا بتحبّوا التين وبدكن تجرّبوا شي جديد، فيكن تلاقوها بفرع المحل بـ Dunes Center بفردان!

شوفوا كمان:

TéléCafé فتح بمحطة تلفريك جونية… شو ناطركن برحلتكن؟