عشاق جوانح الدجاج، لقينالكن 5 محلات للopen wings بلبنان

اذا كنتوا من عشاق جوانح الدجاج وعم تفتشوا على محلات لتلبي رغباتكن، انتوا بالمحل المناسب. خليكن معنا وتعرفوا بهيدا المقال على مطاعم عم بتقدم حاليًا عروضات مختلفة لجوانح مفتوحة (open wings) حول لبنان.

1. Cheese on Top

اذا كنتوا بفرن الشباك، زوق مصبح، أو على شارع بلس، ما الكن الا عرض جوانح كل أربعاء من Cheese on Top. فيكن تحصلوا على open wings مع صلصات الباربيكيو أو البافلو مع مشروب غازي ب7.5 دولار!

2. Mr. International

اشتهر Mr. International بالجوانح الشهية، وتميز كواحد من أكثر المحلات شهرة لتقديم جوانح مفتوحة كل يوم. ب11 دولار، فيكن تستمتعوا بالجوانح والبطاطا المقلية المفتوحة مع مجموعة متنوعة من النكهات والصلصات. زوروا فروعهم بحرش تابت وذوق مصبح عالسريع.

3. Hunger Bunker

فيكن كمان تستفيدوا من عرض الجوانح من Hunger Bunker. ب 7.5 دولار، استمتعوا باشهى جوانح الباربكيو والبافلو والترياكي وغيرها، واكيد ما مننسى البطاطا المقلية. بس عجلوا، لأن هيدا العرض بيخلص يوم الجمعة! لو كنا محلكن، كنا ركضنا عفرع الجناح أو الكسليك هلأ.

4. Lettuce Meat

اذا كنتوا مارقين نهار الاثنين بشارع مار مخايل، فيكن تستفيدوا من عرض الجوانح عند Lettuce Meat. ب8 دولار، فيكن تطلبوا جوانح مع بطاطا قد ما بدكن ومشروب غازي واحد.

5. Boneless Bar

اذا كنتوا من سكان الحازمية، فيكن تعملوا حفلة جوانح ب Boneless Bar. استمتعوا بمجموعة واسعة من الجوانح اللذيذة مع بطاطا ودجز ب10 دولار. واحلى خبرية انو فيكن تلاقوا عرض الجوانح المفتوحة كل يوم وكل ساعة!

وانتوا، وين بتحبوا تاكلوا جوانح مفتوحة بلبنان؟

شوفوا كمان، وين فيكن تجربوا أطيب صاج بلبنان؟