شو مشاريعنا
٧ من أجمل الأماكن لتوديع العزوبية بلبنان
من أجمل الحفلات قبل العرس هي حفلة توديع العزوبية أو ال bachelor/bachelorette يلي بتجمع الحبيبن والأصحاب ليحتفلوا مع العريس والعروس بهالمناسبة.
لهيك، لازم تختاروا الأماكن لي فيها جو حلو لتضمنوا إنو تكون هل سهرة فعلاً من العمر ولتضمنوا إنو رح تاخدوا أجمل الصور التذكارية.
١. Camping Lebanon، مزيارة
محل بعيد عن الضجة وعن العالم كلو، ما رح تتوقعوا تلاقوا هيك منظر طبيعي ساحر مكشوف على مساحات خضرا على مد عينكن والنظر. بتلاقوا قعدة ملونة مراجيح وأكل طيب ومشروبات. فيكن تحتفلوا بهل نهار المميز بهل محل وتحطوا الموسيقى لي بتناسبكن وتاخدوا أحلى الصور.
الرقم: 007 005 81
٢. Beehives، البترون
محل مميز ، عبارة عن فان مجهز بكل شي لتقضوا في ليلة من العمر عم تحتفلوا بهل مناسبة المميزة مع أقرب الأصحاب بقلب الغابة مع منظر بطير العقل وبيسين خاص وهوايات بترد الروح. الحلو هون إنو فيكن تاخدوا راحتكن على الآخر وبتكون القعدة كتير intime وما حدا بيزعجكن.
الرقم: 283 339 76
٣. جنتي، قرطبا
هل محل عبارة عن مخيم بقلب الطبيعة الساحرة بين الخضار والمي النقية، معلقة في مرجوحة بتستلقوا عليها وبترتاحوا من هموم الحياة. هون بتحتفلوا بهل ليلة على طريقتكن الخاصة وبتناموا بالخيمة وبتسبحوا بالبيسين وبقلب مية النهر. محل متل الحلم بحسسكن سافرتوا مع حبيبكن وأصحابكن على هاواي لأول مرة ورجعتوا قبل بليلة من عرسكن.
الرقم: 399 477 81
٤. جنينة رفانيا، نهر الدهب (كسروان)
بقدملكن مساحة خضرا مخصصة ومجهزة لتستمتعوا وتقضوا نهار مميز مع أصحابكن أو مع حبيبكن. قعدة الحديقة بتفتح القلب: خضار، طراحات، فيو وقعدة مريحة وحميمة.
الرقم: 277 142 03
٥. Four Seasons Hotel، حالات
هل منتجع قاعد على البحر وبيتميز بقعدة كلاسيكية وبقدم أطباق البحر المتوسط بفن وجمال. إذا عبالكن محل رومانسي لتودعوا في العزوبية على صوت الموج وضو الشموع، هيدا المكان المناسب.
الرقم: 767 716 71
٦. سما مليتا، النبطية
هل محل رح يطلعكن فوق الغيوم ويخليكن تعيشوا تجربة جديدة بهل نهار المميز. المحل كتير خرج صور لمحبي القعدات لي بعيدة عن بيروت وبقدم أكل لبناني وليموناضة مميزة لتقضوا ليلة من العمر.
الرقم: 460 400 03
٧. Palms Beach House، جونية
هالمكان قاعد على البحر وبقدملكن مساحة مخصصة ومجهزة للحفلات لتستمتعوا وتقضوا نهار مميز مع أصحابكن. فيكن تقضوا سهرتكن كلا في وتستمتعوا بأجمل إطلالة على خليج جونية مع أطيب أكل وموسيقى وجو رقص.
الرقم: 802 852 71
شوفوا كمان، وين أجمل منظر مغيب للشمس بشمال لبنان؟