استمتعوا برحلة ساحرة على ضيعة بينو والبيت الأزرق لي مخبى فيها

تخايلوا معنا، بيت حجر موجود بالطبيعة، مغطا بالقرميد الأحمر، مخبى بين الشجر وبطل على منظر الجبال… إي هيدا البيت موجود بضيعة بينو بعكار وبإنتظاركن.

بهالضيعة يلي معروفة بتاريخها العريق ومناظرها الخلابة وبحيرتها الساحرة قاعد بيت ضيافة لازم تزوروا: البيت الأزرق.

البيت الأزرق إسم على مسمى. بيت قديم مصنوع من الحجر التقليدي، مع ديكور ولا أحلى وفيو ساحر.

بهيدا البيت عدة غرف، كلن شرحين وحلوين: كوكب، عزيزة، فلمينا، مريانا، كتر، وسارة. جنينة مهضومة بإنتظركن حتى تنسوا كل هموم العالم وبركة مي وأكيد قعدة تراس مع طاولة ومرجوحة بترد الروح.

بتفيقوا على صوت العصافير ومنظر الخضار يلي حواليكن، تنشقوا الهوا النقي وتوجهوا على التراس لتشربوا أطيب فنجان قهوة على المرجوحة.

بس بدكن بتعملوا كزدورة بالضيعة وبشوارعها العتيقة، بتبرموا بين البيوت الأثرية

وبتروحوا على البحيرة الساحرة لي بيقصدوها العشاق ليقضوا لحظات بتوقف القلب.

بالنسبة للأسعار فهيي بتختلف حسب الغرف:

عزيزة: 100$ على الليلة (4 أشخاص)
كوكب: 60$ (تختين مفردين)
فلمينا: 80$ (3 أشخاص)
كتر: 50$ (تختين مفردين)
مريانا: 90$ (تخت مجوز وصوفا)
سارة: 100$ (5 تخوتي مفردين)

لتعرفوا أكتر عن هل بيت، اتصلوا على 325 689 71

شوفوا كمان، قضوا نهار على البحر ببلاش بهالمنتجع المميز بعمشيت.