قضوا نهار على البحر ببلاش بهالمنتجع المميز بعمشيت

منتجع June Beach House بعمشيت بيتميز بكونو محل بينبسط في كل مين بزوروا لأول مرة وبصير من المحلات المفضلة على الليستا.

حزروا شو أحلى خبرية؟ الفوتي على هل بحر ببلاش، يعني بتجوا بتصفوا سيارتكن وبتنزلوا على محل كتير مرتب من دون ما تدفعوا ولا نغلة بس كل يلي عليكن تعملوا تقعدوا بالمطعم وتطلبوا أكل.

أول ما توصلوا على المطعم بيستقبلوكن بإبتسامة عريضة وبرافققن شخص من يلي بيشتغلوا هونيك كرمال تنقوا المكان المناسب إلكن لحتى تقضوا النهار مبسوطين.

بتقعدوا على البحر بتاكلوا أطيب لقمة إنتو وعم تتأملوا مغيب الشمس من بعيد… بتحسوا حالكن مبوردين على الآخر لأن عندن شراب وعصير كتير طيبين لتبوردوا قلبكن.

حتى طريقة تقديم الأكل فيها فن… بيخلطوا الأطباق قدامكن لتحسوا بكل تفصيل زغير.

بس تخلصوا أكل إذا عبالكن بتعملوا سبحة زغيرة وبتبوردوا بالمي وفيكن كمان تتمشوا على الرصيف حد البحر كرمال يلي بحب يعمل كزدورة وكمان في بيسين مهضوم ومرجوحة ليلي ما عبالوا ينزل على البحر.

يلي سلبي كمان هوي إنو فيكن تضلوا لبليل وتتعشوا وترجعوا تسبحوا بكون البحر فاضي والمي سخنة كتير خرج سردة عشية. الشجر منتشيرن بالمنتجع كلو، فيلي بيحبوا يروقوا راسن ما بكون في عجقة وبمضوا سهرة ممتعة، مع أكل طيب، ومي نضيفة موسيقى.

لتعرفوا أكتر عن هل محل، اتصلوا على 399 553 70.

شوفوا كمان، أوتيل متنقل بشوارع البترون… بيسين ومنظر خيالي تحت النجوم.