أوتيل متنقل بشوارع البترون… بيسين ومنظر خيالي تحت النجوم

لكل عشاق الأماكن الجديدة الغريبة هيدا المحل الحلو إلكن!

اليوم رح ناخدكن على محل مهضوم وحلو كتير: كارافان Beehives الموجود بمنطقة البربارة بالبترون.

الفكرة من مشروع الكارافان إنو تقدروا تناموا بقلب الطبيعة بمحل مريح وفي كل وسايل الراحة والنضافة وتعيشوا تجربة النومة تحت النجوم من دون ما تكونوا قاعدين بقلب خيمة قش.

الكارافان مجهزة بمطبخ وخزانات وبراد وصالون زغتور وتخت بطل على النجوم مع بلكون عندو قعدة بتاخد العقل.

شو ناطركن؟ قعدة بالهوا الطلق تحت النجوم، تكايات، بيسين وبار بنص الطبيعة، هوايات حلوين وأكيد منظر خيالي!

بس تنزلوا بالبيسين رح تحسوا حالكن بشي infinity pool لأن بطل على البحر والجبل بنفس الوقت. بتحطوا فنجان شراب مع تلج وصحن فواكة، بتدوروا موسيقى على كيفكن، بتقعدوا بالمي وبتتفرجوا على مغيب الشمس ورا البحر… في أحلى من إنكن تشوفوا السما عم تغير ألوانها وتعكس صورتها على البحر من بعيد وإنتو بالمي؟

هلق رح نخبركن عن أسعار النومة بالكارافان:

بتتراوح بين 90$ و115$ على الشخصين بنص الجمعة، و110$ و135$ بالويك-أند.

عملوا أجمل ذكريات حياتكن بهل محل المميز، للحجز اتصلوا على 283 339 76.

شوفوا كمان، ٧ من أجمل الأماكن لتوديع العزوبية بلبنان.