شو مشاريعنا
أحلى مشوار بالريف بهل٧ مطارح حول لبنان
هالطقس الحلو صار بدو مشوار بالريف والطبيعة! خلونا نروح كزدورة على 7 مطارح بلبنان بأجواء روعة وأكل ريفي ممتاز!
1. سفرة، بر الياس
سفرة عبارة عن بيت المزرعة بمنطقة بر الياس البقاعية، بيقدموا أطباق لبنانية تراثية وكمان مونة على أصول أهل البقاع، قعدة شرحة وواسعة بالهوايات قدام السهل والخضار، عنجد بتنسوا حالكن بهل محل!
2. ميولي، البترون
هالمطرح مخبى بين شجر الليمون والقشطة بقلب جنينة بالبترون، الأكل عندو فريش والعصير طبيعي، والحلو انو عطول بيعمل نشاطات حلوة بالطبيعة بتروق الأعصاب وكمان ورشات فنية وحرفية مميزة.
الرقم: 516 000 71
3. Crop، الكورة
غدا العيلة عند Crop بأحضان الكورة كتير مميز، عندن مزارع كبيرة وبيقدموا الأكل طازة من الأرض، ضروري تجربوا من عندن السلطات، عندن أنواع شهية ومميزة.
الرقم: 488 412 06
4. Little Reed، قصيبة
ليتل ريد بياخدكن كل سبت وأحد على بيت الضيعة بالقصيبة المتن، بوفيهات معمولة من ديات أهل الضيعة وأجواء ريفية روعة مع الحيوانات الأليفة والمناظر الطبيعية الساحرة. عنجد بتحسوا حالكن رجعتوا على بيت التيتا والجدو!
الرقم: 300 007 76
5. The Good Thymes، كفرحونة
مشوار الأحد مع العيلة كامل مكمّل عند هالمطرح بقلب كفرحونة، بتقعدوا تحت الشجر وبالهوا الحلو وبتجربوا أطيب بوفيه أكل بلدي، وأكيد ما تنسوا تدوقوا الزعتر اللي بيعملوا!
الرقم: 081 801 78
6. طاولة سوق الطيب، فروع مختلفة
طاولة سوق الطيب بيقدموا أطباق محلية من مختلف الضيع اللبنانية من ديات أشطر الطباخين، بيعتمدوا اسلوب المطبخ المفتوح فبتشوفوا كل شي عم يتحضر قدامكن، وبقدموا أطيب البوفيهات بمختلف المناطق اللبنانية، وأجدد فرع لإلكن طاولة باكيش بمنطقة بسكنتا.
الرقم: 301 767 81
7. مطعم بيو ماس، جربتا
دوقوا أطيب الطبخات اللبنانية بمطعم بيوماس على قعدة بنص الطبيعة، والحلو انو في ملاعب وجنينات للولاد ليسرحوا ويمرحوا بكل رياحة.
الرقم: 532 532 03
شوفوا كمان، قعدة جنب البحر أو النهر؟ شوفوا هالمطاعم بالجنوب فوق الميّ