منتجع عرش الملوك: قعدة ملوكية بحضن وادي الحجير

عم تفتشوا على مكان مميز لتقضوا عطلة صيفية حلوة؟

اليوم إطلعنا على وادي الحجير بالجنوب، وهالوادي يعتبر من أجمل وأهم الوجهات الطبيعية بالمنطقة، محمية غنية بالشجر والينابيع والمناظر الساحرة. بتلاقوا مخبى بحضن الوادي منتجع عرش الملوك، واحد من أجمل منتجعات الموسم بقعدة ملوكية بالجنوب.

أول ما تدخلوا بتستقبلكن قناطر الياسمين والنافورة الحلوة وأسلوب العمارة الملوكي اللي بذكركن بالقصور الفاخرة بالأفلام، وبتحسوا حالكن رحتوا على عالم الحكايات الشرقية.

هالمنتجع ممتاز لعطلة صيفية مع العيلة، عندن مسبح كبير لترخوها تحت الشمس مع كباية عصير سقعة، وملعب للولاد تيسرحوا ويمرحوا على راحتن.

بيتميز بقعدات تراس روعة بالهوا الحلو، بتلاقوا قعدة رايقة تحت فيّ الشجر، وقعدة رومانسية تحت خيمة خشب بتوصلولها من جسر زغير، وكلن عندن إطلالة ساحرة على الطبيعة بالمنطقة، يعني عنجد بتحسوا حالكن رحتوا على عالم بعيد.

بيقدم المنتجع أكل لبناني طيب، تشكيلة مميزة من السلطات والمازة الشهية والعصير الفريش على جلسة غير شكل بالطبيعة والرواق، وجمعة حلوة مع أحبابكن.

كمان بيتضمن المنتجع صالة أعراس مميزة وقعدتها ملوكية لأجمل ليالي العمر!

للمزيد من المعلومات، اتصلوا على 588 933 78

شوفوا كمان، ٥٠ محل تزوروه هالصيفية بلبنان: من الشمال للجنوب!