بتحبوا التخييم؟ مخيّم روعة جنب النهر ناطركن بسرجبال

لوين ضاهرين هالصيفية؟

من أحلى الضهرات بالصيفية هي المشاوير بالطبيعة، بين الجبال والشلالات والوديان. ولتعيشوا أجمل اللحظات بأحضان الطبيعة لازم تجربوا التخييم بلبنان. اليوم اطلعنا على منطقة الشوف وتحديداً على سرجبال، بتلاقوا مخيم On The Roots ناطركن على قعدة جنب النهر وبين الشجر.

هالمخيم مخبى بأحضان غابة سرجبال، قاعد على ضفاف النهر بعيد عن عجقة المدينة، مطرح مميز لمحبي التخييم والمغامرة وكمان لمحبي الرواق، بتقضوا أحلى سهرات تحت ضو النجوم وعلى صوت خرير الميّ، وبتضل هالذكريات معكن لآخر العمر، يعني مشوار الموسم لهل صيفية!

بتقدروا من المخيم تاخدوا دروب مشي بطبيعة سرجبال، تستكشفوا المنطقة كلها على رياحتكن وترجعوا على المخيم، ترتاحوا وتعملوا غدا مشاوي غير شكل! بتقدروا تعلموا بيكنيك بالطبيعة جنب النهر وقدامكن مشاوي وفواكة على أنواعها، تغطسوا بالميّ وتبوردوا تحت الشلال، وكمان نشاطات مميزة بقلب المخيم بتقربكن من الطبيعة ومن أصحابكن!

إذا عم تفتشوا على عطلة مميزة بتريح النفسية، لازم تطلعوا على مخيم On The Roots! للحجز أو المزيد من المعلومات، اتصلوا على الرقم 834 711 71.

شوفوا كمان،٥٠ محل تزوروه هالصيفية بلبنان: من الشمال للجنوب!