٥ مطارح ساحرة لتقضوا ليلة مميزة بالبقاع

ما بتكمل الصيفية من دون مشوار حلو على البقاع الغربي! ضبينا الشنطة وإنطلقنا على البقاع، برمنا المنطقة وطبيعتها ولقينالكن ٥ مطارح ساحرة لتقضوا ليلة مميزة بالبقاع.

1. كرم الجوز، تعنايل

كرم الجوز عبارة عن بيت الريف بتعنايل، عندو جنينة كبيرة، بركة ميّ وبط، وقعدة تراس ساحرة الجمال. هالبيت كبير وأوض بيلعب فيهن الهوا لعب، بيت ضيافة مميزة لتقضوا كم يوم عطلة بالبقاع!

الرقم: 977 014 03

2. منتجع ويست وود زحلة، زحلة

إذا عم تفتشوا على تجربة منتجع بالبقاع، منتجع ويست وود ناطركن بزحلة على وقت كتير ممتع، بيوت خشب، مسبح كبير، سهرة نار تحت النجوم، أكل طيب، وجو صيفي بإمتياز.

الرقم: 112 102 81

3. أوتيل ليالي الشمس، عنجر

أوتيل ليالي الشمس بيقدم مسبح حلو لترخوها بالمي هالصيفية، بيوت خشب مخباية عن العالم، وقعدة بعنجر الأثرية بين البساتين غير شكل!

الرقم: 600 622 76

4. الحوش، حوش الغنم

مزرعة الحوش بتتضمن كل شي لتقضوا عطلة صيفية مميزة، بيوت ضيافة بقعدة ريفية، مسبح كبير، قعدة بساتين وجنينة، جو ضيعة ورواق مميز، مناظر طبيعية، نشاطات زراعية، وقصص كتير حلوة!

الرقم: 1662 563 (855) 1+

5. بيت عميق، عميق

بيت عميق عبارة عن بيت ضيافة بيقدم إطلالة مميزة على محمية عميق بأكملها، بتتفرجوا على سهل البقاع من التراس، بتستأنسوا بالهوا والطبيعة الحلوة، وبتقضوا أحلى الأوقات هالصيفية.

الرقم: 460 064 81

شوفوا كمان، أجمل بيكنيك بالبقاع بهل ٥ مطارح بالطبيعة