أجمل بيكنيك بالبقاع بهل ٥ مطارح بالطبيعة

اليوم رح ناخدكن كزدورة على منطقة البقاع! خلونا نشوف سوا أجمل المطارح بالبقاع لبيكنيك مميزة بالطبيعة!

1. سفرة، بر الياس

سفرة عبارة عن بيت بقاعي ومطعم مميز بحضن البستان، بتنبسطوا عندن بأحلى بيكنيك وقدامكن سهل البقاع باسط حالو، منظر من العمر وأكل بقاعي طيب وقعدة بتروق الراس!

2. بحيرة تعنايل، تعنايل

بتفرشوا الحصيرة والأكل على ضفاف هالبحيرة، حولكن البط والوز والهوا عم يلعب بين الشجر العالي، تجربة كتير حلوة بقلب الطبيعة البقاعية الساحرة.

3. الحوش، حوش الغنم

الحوش عبارة عن مزرعة كبيرة، فيها جنينات واسعة وبساتين وأراضي مليانة زرع وشجر، بيقدموا نشاطات زراعية بقلب الطبيعة، عندو أحلى القعدات لتعملوا بيكنيك غير شكل جنب الغنمات زبأحضان البقاع!

الرقم: 1662 563 (855) 1+

4. محمية عميق للأراضي الرطبة

محمية عميق هي أكبر محمية للأراضي الرطبة بلبنان، كلها سهول وبرك ميّ وشجر ممدودين على مساحة واسعة، بتحضروا الشنطة والحصيرة وبتتوجهوا على هالمنطقة الساحرة وبتنبسطوا بأحلى بيكنيك على أحلى مناظر البقاع الغربي.

5. البستان، برالياس

مش بس بتقدروا تنبسطوا ببوفيهات ونشاطات حماسية بقلب الطبيعة عند بستان، كمان فيكن تعملوا بيكنيك وتجربوا أكل طيب جنب البحيرة وبين الشجرات!

الرقم: 898 502 03

شوفوا كمان، كيف فيكن تقضوا نهار حلو بالجوهرة المنسية حاصبيا