إهدن هل ويك-أند: مهرجان صيفي وموسيقى وأكل طيب

شو عاملين هل ويك-أند؟ اركبوا، بالسيارة وتوجهوا على إهدن لأن الجو رح يكون ولعان. وصل Street Festival على ساحة الميدان ومحضرلكن مفاجآت كتير حلوة ومهضومة.

رح يلاقيكن المهرجان نهار الجمعة، والسبت والأحد (14-15-16 تموز) ليقدم نشاطات روعة، وفقرات للتسلية.

أهم شي بالمهرجان هوي سوق الأكل لي هوي حدث صيفي مميز بيجمع الكل عاللقمة الطيبة وبيتميز بوجود عدد متنوع من المطاعم والكيوسكات لي بتقدم أطيب أنواع أكل الشارع والأكلات الأجنبية واللبنانية.

إذا حابين تنتعشوا بأطيب المشروبات الباردة والبوظة كمان رح تلاقوا طلبكن بهل مهرجان.

هل مهرجان بيجمع الكبار والزغار حول الأكل الطيب والنشاطات والألعاب.

ما بتكمل الفرحة من دون أجواء الفرح والبسط وأكيد الأكل الطيب ما بيكفي لحالو، كرمال هيك رح يتخلل المهرجان موسيقى، فرح وعروضات فنية ومواهب، معارض منتجات ومونة ومحطات أكل، محلات حلو وعصير وقصص كتير حلوة.

وأكيد أكيد الدخول مجاني! يعني بتجوا بتصفوا السيارة، بتجيبوا الولاد والأصحاب وبتتمشوا بإهدن وبتقضوا نهاركن عم تاكلوا وتتسلوا.

جمعوا حالكن ويلا على إهدن!

للمزيد من المعلومات اتصلوا على 420 004 81

شوفوا كمان، ٩ أمور ضروري تصير بكل عرس لبناني.