كرواسون حجم عائلي…جربوا أكبر كرواسون بلبنان!

خاطر عبالكن كرواسون مقرمشة ومحشية بالشوكولا؟ اليوم قررنا نخبركن عن أكبر كرواسون بلبنان، بتلاقوها عند كرواسون سعد الشيخ بمنطقة الكولا، مشوا نشوف شو خبريتها!

هالكرواسون عبارة عن كرواسون حجم عائلي، محشية بمختلف الطعمات وبتملي السفرة كلها. كل كدشة أطيب من التانية، طعمها غني وكتير مقرمشة ومنظرها بيفتح النفس. كتير مناسبة لعزيمة طيبة مع الأصحاب! بس أكيد الكرواسون توصاية ولازم تطلبوها قبل بوقت!

كرواسون سعد الشيخ معروف بتقديم الكرواسون بمختلف الأحجام و أسعار مهضومة، الكرواسون الحجم العائلي أو ال Crazy Croissant ب 900 ألف ليرة، والكرواسون الزعتر والجبنة والشوكولا ب 70 ألف، أما الطعمات المميزة متل اللوتس والنوتيلا والكندر والأوريو بتلاقوها ب 140 ألف ليرة، يعني عندو تشكيلة مهضومة لكل محبي الشوكولا والكرواسون.

ومش بس هيك، كمان بتلاقوا حلويات ومخبوزات متنوعة وشهية، بس ضروري تجربوا عندو الدوناتس الكبيرة، كمان حجم عائلي وبتعجبكن!

يلا شو ناطرين؟ مشوا نجرب أكبر كرواسون بلبنان عند سعد! للمزيد من المعلومات، اتصلوا على 958 562 71.

مطعم Alicia Trattoria: لقمة إيطالية وقعدة بين شوارع صور القديمة شوفوا كمان،