وين فيكن تجربوا أطيب ستيك ببيروت؟

إذا انتو من محبي اللحمة أو عبالكن تجربوا شي دسم وطيب، خلونا مدلكن على 5 مطارح فيكن تجربوا فيهن أطيب ستيك ببيروت.

1. Slate Bistro Grill

بتلاقوا هالمطعم بمار ميخايل، بيعمل الستيك بطريقة إحترافية، بتطلع عندو اللحمة غنية بالطعمة، طرية، ومشوية مزبوط. بيقدموا أطباق جانبية غير شكل مع الستيك، والصوص اللي بيعملوها طعمها خيالي.

الرقم: 860 560 01

2. Swiss Butter

سويس باتر بيقدموا تجربة أكل مميزة ببيروت، مشهورين بأطباق اللحمة الغنية والشهية والجودة العالية بتقديم الأكل. بتلاقوا كل شي من الستيك الطيب والمعمول على القد، لأطباق الدجاج وسمك السلمون المتنوعة.

الرقم: 480 444 01

3. Le Relais de l’Entrecôte

واحد من أفضل مطاعم الستيك بالأشرفية، مشهور بتقديم الستيك على الطريقة الفرنسية الفاخرة، الصوص الرهيب، النبيد الغني، والجودة العالية. عندن خيارات متنوعة وبتناسب مختلف الأذواق.

الرقم: 088 332 01

4. East Village

هالمطعم بيقدم قعدة رايقة وفخمة لكل محبي الستيك على أنواعها واللحوم بأجود نوعية. عندن منيو غنية وأطباق مختلفة معمولة بكل فنية وإحترافية. بتلاقوا هالمطعم بشارع بدارو وكمان بالأشرفية.

الرقم: 375 327 01 – 386 838 76

5. Skirt

إذا عم تفتشوا على تجربة ستيك غنية وشهية، لحمة طرية ومشوية بكل إحترافية، لازم تجربوا سكيرت بوسط بيروت. كمان بيقدموا أطباق موسمية محضرة بكل شطارة.

الرقم: 532 985 01

شوفوا كمان، ٧ مطارح بتاخدكن على إيطاليا حول لبنان