٧ مطارح بتاخدكن على إيطاليا حول لبنان

عبالكن سفرة على إيطاليا من دون ما تسافروا؟ خلونا ندلكن اليوم على 7 مطارح بتاخدكن على إيطاليا حول لبنان.

1. مطعم Mediterraneo – البترون

هالمطعم الساحر بتلاقوا بقلب ال Lebanese Diaspora Village بالبترون. مطعم قاعد بين العمارة القديمة و الشبابيك الخشب مع جو رومانسي مميز. عندو قعدة ملونة بالهوا الطلق بتحسسكن إنكن بروما، بتجربوا أطباق إيطالية و يونانية على أصولها قدامكن جمال البترون.

الرقم: 208 118 03

2. مطعم فينيسيا – سن الفيل

عبالكن تسافروا على مدينة البندقية من قلب بيروت؟ مطعم فينيسيا بيتميز بالهندسة الطليانية و الأطباق الكلاسيكية اللي بتقدملكن تجربة إيطالية أصيلة على عشوات رومانسية، باستا ونبيد على صوت الموسيقى، قعدة بالشخطورة فوق قنوات الميّ، وجو روعة.

الرقم: 540 516 01

3. Alicia trattoria – صور

هالمطعم جوهرة إيطالية مخباية بين شوارع صور القديمة، بياخدكن على روما بالجو الإيطالي والطعمة الأصيلة. بيعمل البيتزا كتير رقيقة وغنية، والباستا عند غير عالم، وعندو قعدة برا كتير مهضومة وقريبة على البحر.

للمزيد من المعلومات، تابعوا حسابن على الإنستغرام هون.

4. Appetito – الجميزة، الحمرا، البترون

مطعم أبتيتو مشهور بالقعدة الإيطالية الأصيلة من الكراسي الخشب والشراشف البيض والحمر اللي بتاخدكن رحلة رومانسية على روما. بتدوقوا أطيب الأطباق الإيطالية من السباغيتي و البيتزا على الحطب وأطباق البيستو مع رشة زيت زيتون.

الرقم: الجميزة 600 682 03 – الحمرا 318 288 03

5. Mario E Mario – مار ميخايل

مطعم ماريو إي ماريو قطعة من إيطاليا بشوارع الاشرفية القديمة، الجو عندو بفرفح القلب من الديكور الساحر للألوان الروعة والقعدة الإيطالية الكلاسيكية. معروف إنو من أطيب المطارح ببيروت للأكل الإيطالي التقليدي، وعندو قعدة تراس بتحسسكن إنكن بجنينة بقلب إيطاليا.

الرقم: 036 888 76

6. مطعم ماريو لينو – البترون

مطعم ماريو لينو بيقدم قعدة بالهوا الطلق بالبترون، سهرات رومانسية بقلب الجنينة، بيتزا على الحطب، وجو إيطالي ساحر بقلب البترون أبداً ما بيتفوت.

الرقم: 555 766 76

7. مطعم لوكاندا كورسيني – بكفيا

مطعم لوكاندا كورسيني جوهرة مخباية بين صنوبر بكفيا، قطعة من إيطاليا بقلب بيت لبناني تراثي. بيتميز هالمطعم بقعدة مغمورة بنبات معلّق وورد ملون وأضوية خافتة. بتلاقوا عندن أطباق طليانية تقليدية وبيتوتية، الخبز الإيطالي والباستا الغنية والسلطات الملونة وحتى البوظة الإيطالية.

الرقم: 143 263 81

شوفوا كمان، دليلكن لأجمل ١٢ شط رملي حول لبنان