٤ من أجمل بيوت الضيافة بأنفه

أنفه وحدة من أجمل الوجهات السياحية بالكورة شمال. مشهورة بجمال الشط، بيوتها الإستثنائية بألوانها البيضا والزرقا، والمعالم التراثية والتاريخية متل القلعة البحرية والكنايس القديمة والملّاحات والشوارع العتيقة. خلونا ناخدكن معنا على أجمل ٤ بيوت الضيافة بأنفه.

1. Le Vieux Quartier

هالبيت الضيافة مخبى بين شوارع أنفه، وقريب على الشط. بيتميز بالجو التراثي الإستثنائي بالمنطقة.

وبيتضمن قعدات مميزة ورايقة. جو مريح، بلكون ساحر، باحة خاصة فيها جنينة ومسبح، وحتى كذا بيسكلات لتكتشفوا أنفه. واحد من أجمل بيوت الضيافة بأنفه.

الرقم: 095 599 81

2. بيت إسكندر

بيت إسكندر بيت أنفوي تقليدي نايم على البحر. بتشموا ريحة الملح بالبحر، بترخوها بالشمس، وبتكتشفوا المنطقة.

عندو ديكور ساحر، تراسات عالبحر بتاخد العقل، قعدات تراثية، وجو رومانسي غير شكل.

الرقم: 242 709 71 – 183 896 71

3. بيت فرح

بيت فرح عبارة عن بيت قريب من البحر ودغري بيفوت على القلب.

هالبيت بسيط بجو رايق وتفاصيل مهضومة، بلكون بتطل على شوارع أنفه، وقعدة غجرية مميزة.

الرقم: 176 324 79

4. Ô Fleur De Sel

هالمطرح واحد من أجمل بيوت الضيافة بأنفه! عندو قعدة على البحر وجو تراثي بقلب بيت قديم ومغمور بالخضار.

مكان قريب على الملاّحات بأنفه، عندو مسابح وتراسات خاصة ورومانسية مع إطلالة ساحرة للموج والبحر.

الرقم: 920 365 70

شوفوا كمان، ٧ مطارح مميزة لتودعوا الصيفية بلبنان