٧ مطارح مميزة لتوديع الصيف بلبنان

في أحلى من انو نختم موسم الصيفية بالمسبح أو عالبحر؟ خلونا ندلكن على 7 مطارح مميزة لتوديع الصيف بلبنان.

1. منتجع Canopee – برمانا

مسبح كبير من فوق الجبل بيطل على الوديان، منتجع مخبى بشجر الصنوبر، أكل طيب وتراسات حلوة وبيوت ضيافة وجو غير شكل ناطركن عند كانوبي ببرمانا. واحد من مطارح مميزة لتوديع الصيف بالجبل!

الرقم: 022 023 76

2. أوتيل Tropical 6 – البترون

أوتيل غير شكل ناطركن على شط البترون! بيتميز بأحواء استوائية، تراسات حلوة، جنينات واسعة، أكل طيب، وجو مميز لتقضوا كم يوم عطلة عالبحر، أو لشهر عسل رومانسي.

الرقم: 862 267 81

3. فيلا Ito’s Crib – تنورين

فيلا خيالية لتقضوا وقت مميز مع أحبابكن. عندن قعدة من فوق وادي تنورين ومسبح طبيعي تحت الشجر وبالجنينة، مكان مميز لتختموا الصيفية!

الرقم: 559 884 03

4. منتجع هيل سايد – كسروان

تجربة منتج مميز بين جبال كسروان، مكان مغمور بجمال الطبيعة والجنينات الواسعة. عندن بيوت خشبية مهضومة ومسبح كبير لتنبسطوا بنهار كامل من التسلية مع العيلة.

الرقم: 833 173 81

5. كاتلبا – بعقلين

إذا عبالكن آخر مشوار الصيفية يكون رومانسي وخاص، ضروري تجربوا هالبيت الضيافة. بيتميز بديكور مودرن ومرتب. عندكن سينما ومسبحكن الخاص بأوضة النوم، أديه حلو؟

الرقم: 089 093 03

6. فلوريدا بيتش – شكا

فلوريدا بيتش قدّم هالصيفية أول مدينة ألعاب مائية بنص البحر. أوتيل قاعد على بحر شكا الرملي وبيقدم تجربة فريدة من نوعها لكل العيلة، مطاعم ومسابح وألعاب مائية!

الرقم: 905 543 06 – 906 543 06

7. الروكا مارينا – شكا

مش بس بيتميز الروكا مارينا بالمسابح المميزة اللي بتحسسكن إنكن سافرتوا، بس كمان عندن قعدة كهف رومانسية عالبحر! أوض على موديل كهف، فيها جاكوزي وإطلالة على البحر وأجواء مميزة لتودعوا الصيفية مع الشريك!

الرقم: 444 714 81

شوفوا كمان، تعرفوا على-٥ شطوط وبحور مجانية بالبترون