جرّبوا تعملوا فخار بإيديكن بهالكافيه بمار مخايل!

إذا زهقتوا من المطاعم وعم تدوروا على مكان مختلف تقضوا فيه وقت حلو ببيروت، Klei بمار مخايل هو خيار مميز! هالمحل مش بس كافيه، بس مساحة بتجمع بين القهوة والفخار، وبتعطيكن فرصة تجرّبوا شي جديد وتعملوا قطعة بإيديكن. أسّسته الفنانة يارا فريحة، وبيتميّز بأجوائه الدافية، يلي بتخلّيكن تستمتعوا بفنجان قهوة أو شاي، وبنفس الوقت تكتشفوا هواية جديدة.

بـ Klei، فيكن تشاركوا بورشات فخار للكبار والصغار، حتى لو ما عندكن أي خبرة سابقة. فيكن تجرّبوا الـ Wheel Throwing، يلي فيها بتستخدموا دولاب الفخار لتشكيل قطعكن، أو الـ Hand Building، يلي بتعتمد على تشكيل الطين بالإيد من دون دولاب. وكل ورشة بتعطيكن فرصة تشتغلوا على قطعة خاصة فيكن، من أول خطوة لحدّ ما تصير جاهزة.

وإذا بتحبّوا الرسم والألوان، في كمان ورشات Peinture sur Céramique، يلي فيها بتختاروا قطعة فخار جاهزة وبتزيّنوها على ذوقكن. يعني فيكن تقضوا وقت حلو مع أصحابكن، تشربوا قهوتكن، وتطلعوا بقطعة من صنع إيديكن!

كمان فيكن تزوروا المحل لتتفرّجوا على قطع الفخار المعروضة، يلي بتشمل مجموعات Klei وأعمال فنانين محليين. وإذا عم تخطّطوا لعيد ميلاد، نشاط مع الأصحاب، فيكن تحجزوا ورشة خاصة وتعيشوا التجربة سوا.

سواء أول مرة بتجرّبوا الفخار أو عندكن خبرة فيه، Klei هو مكان حلو تتعلّموا فيه شي جديد وتستمتعوا بوقت بعيد عن روتين النهار!

📍 مار مخايل، مبنى شلهوب

📞 الرقم: 300 704 78

📱 تابعوهن ع انستغرام هون

شوفوا كمان:

تعنايل عاملة ضجة بمنتج جديد: قهوة كافيه لاتيه!