٦ مطارح خيالية بأعالي جبل صافي بالجنوب

اليوم مشوارنا بياخدنا على أعالي جبل صافي، مقصد سياحي مميز بالجنوب للتخييم وإستكشاف الطبيعة. رح نمرق بدروب محفورة بالجبل ونوصل على أماكن ساحرة الجمال بين الغيوم وبتطل على الجنوب كله. لقينالكن 6 مطارح خيالية بأعالي جبل صافي بالجنوب.

1. صافي كامب

مطرح ساحر لمحبي سهرات النار والتخييم بالجبل!

عندن خيم مميزة بين الغيوم، وقعدات روعة على غروب الشمس.

الرقم: 221 294 71

2. بيت صافي

بيت صافي مطرح مميز لكل حدن عم يفتش على مكان رومانسي ورايق. عندن قعدة جبلية مغمورة بالورد من كل الميلات ومراجيح مهضومة.

من أجمل المطارح بالجنوب لتخيموا مع الأصحاب، تعملوا مشاوي وسهرة نار، أو تحتفلوا بمناسباتكن الرومانسية مع الغيوم وغروب الشمس!

الرقم: 218 075 76

3. صافينا

إذا عبالكن بيت ضيافة من فوق جبل صافي، مع جاكوزي خاص وقعدة رومانسية مخباية عن العالم، لازم تجربوا صافينا. عندكن كل وسايل الراحة، مسبحكن الخاص، ومنظر جبلي من الخيال!

الرقم: 102 881 76

4. Sky View

بتلاقوا عند سكاي فيو منظر خيالي لغروب الشمس، قعدة بين الغيوم، أكل طيب، وجو حلو مع نسمات الجبل. مكان مناسب للجمعات الكبيرة والعيلة كمان!

الرقم: 178 690 81

5. شاليهات غيوم صافي

شاليهات قاعدة على راس جبل صافي، عندن تراس بيطل على المنطقة كلها وبيوت من الخشب بجو مريح ومكنكن. مطرح ساحر بتلاقوا فيه الراحة النفسية والسعادة مع أحبابكن!

الرقم: 715 191 76

6. Fly Safi

كافيه ومطعم بيستقبلكن على قعدة ساحرة وديكور لطيف ولقمة طيبة. كمان بتقدروا تمارسوا عندن رياضة ال paragliding من فوق الجبل لكل محبي المغامرة، أديه حلو؟

الرقم: 798 363 81

شوفوا كمان، ٧ مطارح مميزة لتودعوا الصيفية بلبنان